Numeri 14:9 - ICIGHAN BIBILO

⁹ Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Numeri 14:9 Iomraidhean Croise

Genese 48:21

Tsô Iserael kaa a Yosev er: Nenge, m ngu kpen, kpa Aôndo Una lu a ven, shi Una hide a ven ken tar u uter enev kpaa.

2 Kroniku 13:12

Nenge, Aôndo ngu a vese, ngu hemen se kua upristi Nav a ikor i tôngon sha u nôngon ityav a ven. Ne ônov mba Iserael, de nenge nen ityav a TER, Aôndo u uter enev, ga; gadia á kpe ne iyol ga.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 20:17

Ka ne né nôngo ityav mbin ga; wa nen ago iyol, tile nen ving, tsô né nenge myem u TER Una yima ne, we Yuda man Yerusalem; de cie nen ga, asema a̱ de yen ne kpaa ga; kper, due nen, nôngo nen ityav a ve, gadia TER ngu a ven.

2 Kroniku 32:8

her a na yô, ka agee a iyolough tsô, kpa her a vese yô, TER, Aôndo wase, ngu, u Una wase se, Una nôngo ityav sha ci wase. Tsô ior suur sha kwaghôron u Hesekia tor u Yuda la.

Nehemia 4:14

M nenge, nahan m mough, m kaa a mbatamen man mbatarev man ior mbagenev, mer: De cie nen ve ga; umbur nen TER u A hembe A cier iyol la, nôngo nen ityav sha ci u anmgbianev enev man ônov enev mba nomso man mba kasev man kasev enev kua uya enev.

Upasalmi 106:24

Ve laha tar u dedoo la, ve na mkaanem Nam jighjigh ga;

Upasalmi 121:5

TER ka orkuran wou, TER ka mure wou u ken uwegh ough ku yanegh;

Upasalmi 14:4

Mbaerenafer cii, mba a kwaghfan je gaa? mba ve ye ior Av er ka ruam ve ye yôô? Mba yer sha iti i TER kpaa ga.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 46:7

TER u akum a Sha ngu a vese; Aôndo u Yakob ka ijiir yase i yeren. Sela.

Upasalmi 46:8

Va, va nenge nen ityom i TER, A er akaacieryol shin tar,

Upasalmi 74:14

U her ityouv mbi Leviatan, U na un a hingir kwaghyan u inyam i ken desereti.

Upasalmi 91:1

Or u nan tem ken ijiir i yeren i Uhembansha yô, nana tsa ken mure u Uhembanagee cii.

Ekesodu 14:13

Kpa Mose kaa a ior er: De cie nen ga, tile nen her, nenge nen myem u TER Una yima ne nyian yô; er ne nengen Mbaigipiti nyian nahan, mayange né kera shi nenge a ve sha won ga,

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

Yesaia 1:2

Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Yeremia 1:19

Vea ta num sha a we, kpa vea hemba u ga; gadia M ngu a we sha u yiman we, kape TER A kaa ne.

Yeremia 42:11

De cie nen tor u Babilon, u ne cie un la ga; de cie un ga kape TER A kaa ne; gadia Mo M ngu a ven sha u waren ne, man sha u yiman ne sha ikev na.

Yeremia 48:45

Mba ve yevese la ve tile shin mure u Heshebon a agee iyol shio; gadia usu due ken Hesebon, man nomborusu kpaa ken atô u Shihon, u hia a-ase a Moabi man ihaghtyo i mbaerenayôôso.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Numeri 13:30

Kpa Kalebu yange ior sha ishigh ki Mose a kaa er: Kpa sé za nen, sé za ngohol nen u; gadia se fatyô u hemban u dedoo.

Numeri 17:6

Nahan Mose ôr kwagh a Mbaiserael, mbahemenev vev cii na un igbough, hanma orhemenegh na gbough môm sha ikwe ve cii, igbough pue kar ihiar; gbough ku Aron kpaa lu a igbough vev imôngo.

Numeri 20:2

Mngerem ma va banen ior yô, ve kohol imôngo ve hingir ayongo a Mose kua Aron.

Numeri 24:8

Aôndo u A dugh a na ken Igipiti, ngu un er ikoryaregh nahan; Una ya akuraior a a lu ihom a na yô, Una hembe akuhe a ve avur avur, Una ta ve avaan a na tsula.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 1:21

Nenge, TER, Aôndo wou, gema tar la na u; kôndo, ngohol nen u, er TER, Aôndo u uter ou, A kaa u nahan; de cie ga, de yen ishima kpaa ga.

Duteronomi 1:26

Nahan kpaa, ne rumun ne kôndo ga, kpa ne gema ne hemba TER, Aôndo wen, ato, ne ungwa imo Na ga;

Duteronomi 1:29

Zum la m kaa a ven mer: Ishima i̱ de yen ne ga, man de cie nen ve kpaa ga.

Duteronomi 31:6

Taver ishima lu icihi, de cie ga, de luun a mciem iyol sha kwagh ve kpaa ga; gadia TER, Aôndo wou, ka Un A ze a we imôngo ye; Una kende u ga, Una undu u kpaa ga.

Duteronomi 31:8

Ka TER Una hemen we ye; Una lu a we, Una kende u ga, Una undu u kpaa ga; de cie ga, de luun a mciem iyol kpaa ga.

Duteronomi 32:42

Me er avaan a Am a̱ hunde awambe, sanker Wam kpaa una ya inyam— sha awambe a mba i woo ve man a mbakwarev, sha ityouv mbi meran mbi mbaihomov la.

Duteronomi 7:18

Yô, de cie ve ga; umbur kwagh u TER, Aôndo wou, lu er a Farao kua Igipiti cii la;

Duteronomi 7:21

Ishima i̱ de te u kwe sha ci ve ga; gadia TER, Aôndo wou, ngu u hen atô, ka Aôndo u hemban man u cier iyol.

Duteronomi 9:7

Yô, umbur, i̱ de hungul we er yan u bam TER, Aôndo wou, ken desereti la ga; hii sha iyange i u due ken tar u Igipiti la je zan zan shighe u ne ve hen ijiir ne, ne lu hendan kwagh a TER je.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 14:12

Hegen yô, nan uwo ne, u TER ôr kwagh u u sha iyange la, gadia sha iyange la je u ungwa er Mbaanaki lu ker yô, man agar a vesen a lun a ugir je; alaghga TER Una lu a mo, me zenda ve kera er TER A kaa yô.

Mbaajiriv 1:22

Ya u Yosev kpaa kôndo za nôngo ityav a Betel; TER lu a ve.