Numeri 14:43 - ICIGHAN BIBILO

⁴³ Gadia Mbaamaleki man Mbakanaan mba ne ken hemen keela, á wua ne sha sanker; er ne de u dondon TER yô, TER kpaa Una kera lu a ven ga.

Numeri 14:43 Iomraidhean Croise

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

Upasalmi 44:10

U er se, se gema ijime hen or u hendan a vese; mba ve ker se ihom kpaa, ve ya ishar sha asema a ve.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Hosea 9:12

Shin vea yese ônov vev, nahan kpaa Me ngohol ve ônov kera, zan zan ma or nana kera shi ga; kwagh una tser ve, zum u Me pav a ve la.

Levitiku 26:17

Me kera saan ishigh a ven ga, mbaihomov enev vea hemba ne; mbakôron ne ihom vea tema tor sha a ven; né gbaa yevese tsô, or kpaa nana zendan ne ga.

Numeri 13:29

Mbaamaleki tema ken tar u Imbusutariyan la; Mbahiti man Mbayebushi kua Mbaamor gema tema sha iwo; Mbakanaan gema haa vegher u shin zegemnger man hen kpe u Yordan.

Numeri 14:25

Mbaamaleki man Mbakanaan yô, ve tema ya shin pev; kper hide nen ijime, yem nen ken desereti za nen gbenda u zan shin zegemnger u Nyian la.

Numeri 14:42

De kende nen ga, gadia TER ngu a ven ga; sha er mbaihomov enev ve̱ de za hembe ne ga yô.

Numeri 14:44

Nahan kpaa, ve norom ve za unde sha ityough ki uwoogh; kpa areki u ikuryan u TER kua Mose yô, ve due ken afo ga.

Duteronomi 28:25

TER Una er kwagh á hemba u sha ishigh ki mbaihomov ou, ú za sha gbenda môm sha u za nôngon ityav a ve man ú gema ú yevese sha ishigh vegh kera sha igbenda itiankarihiar je; ú hingir ityartor i sha won cii ikav i cier iyol.

Yosua 22:15

Ve va hen ônov mba Ruben man ônov mba Gadi kua vegherkwe u Manase ken tar u Gileadi, ve va ôr kwagh a ve, ve kaa er:

Yosua 7:12

Ka nahan man ônov mba Iserael ve fetyô u tilen sha ishigh ki mbaihomov vev ga ye, mba nan ijime ve ken mbaihomov vev, gadia ve hingir mba lun a ifan iyol; Me kera lu a ven mayange ga, saa né dugh kwagh u i te icin sha mi la, her a ven kera.

Mbaajiriv 16:20

Nahan a kaa er: Semson, Mbafiliti tser u ve. Tsô a nure a nder, a kaa er: Me due er m dugh keke nahan, me nduur iyol yam me osough kera. Kpa a fa er TER A undu un ga.