Numeri 14:33 - ICIGHAN BIBILO

³³ Ônov enev vea hingir mba zenden ken desereti wue wue er mbakuranilev nahan, zan zan anyom akunduahar je; vea tôô ibo i idya yen zan zan akom a en aa saa ishe ken desereti cii ve.

Numeri 14:33 Iomraidhean Croise

Upasalmi 107:4

Mbagenev zende wue wue ken desereti, gbenda kpaa lu ga, ve zua a gar u teman ker ga;

Upasalmi 107:40

Ka A hee ashagbaior, A na ve, ve zende wue wue ken taaikôngo henpe gbenda lu ga yô.

Upasalmi 78:33

Nahan A er ayange a ve saa kera er humbe nahan, anyom a ve kpaa saa kera sha mcie.

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Esekiel 23:35

Nahan yô, Ter AÔNDO ngu kaan nahan er: Sha ci u Mo M hungul we man u tam kera ken ijime you, yô, tôô ase ibo i ijimba you man idya you.

Hosea 9:1

Iserael de kera ember yagh yagh er akuraior nahan ga, gadia u er idya, u undu Aôndo wou, injar i sha idya doo u sha hanma vande u gbiren iyiav.

Numeri 32:13

Ishima vihi TER a Iserael tsung je. A er ve, ve gba zenden ken desereti wue wue anyom akunduahar, zan zan kov u u er ifer sha ishigh ki TER la tim kera cii.

Numeri 33:38

Pristi Aron unde sha uwo u Hor, sha imo i TER, maa kpe sha mi sha inyom i akunduahar ken ijime i mdugh u Mbaiserael ken tar u Igipiti, sha uwer u sha utaan, sha iyange i hiihii i uweregh la.

Numeri 5:31

Or la nana lu a ibo ga; kpa kwase la yô, una lu a ibo iyol.

Aerenakaa A Mbaapostoli 7:36

Ka un je a due a ve ye, a er akaa a kpilighyol man uivande ken Igipiti kua hen zegemnger u Nyian man ken taaikôngo kpaa, kuma anyom akunduahar je.

Duteronomi 1:3

Tsô sha inyom i akunduahar la, uwer u sha pue kar môm sha iyange i hiihii i uwer la, Mose ôr Mbaiserael akaa a TER A kaa Un er a̱ ôr ve a la cii;

Duteronomi 2:14

Ayange a zende wase cii, hii hen Kadeshi-barnea zan zan per uwagh u Seredi yô, lu anyom ikundugber kar anigheni zan zan mbautyav mba kov la cii ve kpe ve bee ken afo er TER bum a ve yô.

Duteronomi 2:7

Gadia TER, Aôndo wou, ver u doo doo sha tom wou u aveegh cii; A fa zende wou u ken zegedeserti ne; anyom akunduahar ne, TER, Aôndo wou, lu a we imôngo; ma kwagh ban u ga.

Duteronomi 29:5

Anyom akunduahar M hemen ne ken desereti; akondo a ne lu a mi iyol la, bee iyol ga, ikôvough ki shin nguhar ou kpaa, bee iyol ga.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Duteronomi 8:4

Anyom akunduahar la, ikondo you i haan iyol, bee iyol ga, nguhar tsô kpaa, mura u ga.

Yosua 14:10

Hegen yô, nenge, TER dem, m ngu her uma er A kaa yô. Ka anyom akunduahar kar ataan, hii hen shighe u TER ôr kwagh ne a Mose, zum u Iserael lu zenden ken desereti la; man nenge, hegen yô, anyom am ka akunduanyiin kar ataan je ne.

Yosua 5:6

Gadia Mbaiserael zende ken toho anyom akunduahar zan zan ior cii, ka nomso mbanôngontyav mba ve due ken Igipiti je la, ve saa kera, sha ci u ve ungwa imo i TER ga yô; TER kpaa bum a ve er, Una de ve, ve̱ nenge tar u TER lu bum a uter vev, er Una na se la, ga, tar u dumbur a atumbabua man iyough la.