Numeri 14:14 - ICIGHAN BIBILO

¹⁴ tsô vea gba ôron mba ve tem ken tar ne; man ve kpaa ve vande ungwan, er We TER U lu ken atô u ior mban yô, man mba nengen a We TER ishigh a ishigh je, man ibeenegh You kpaa ki luun ve sha, shi We U hemen ve gbenda ken ityôgh ki ibeenegh atetan man ken ityôgh ki usugh tugh.

Numeri 14:14 Iomraidhean Croise

Genese 32:30

Yakob maa ii ijiir la iti er Peniel; gadia a kaa er: M zua ishigh a Aôndo, nahan kpaa, uma wam war.

Nehemia 9:12

Man shi U hemen ve sha ityôgh ki ibeenegh atetan man sha ityôgh ki usugh tugh, sha u nan ve iwanger sha gbenda u vea za yô.

Nehemia 9:19

nahan kpaa sha mhôônom Ou ma zungwen kpishi yô, U undu ve ken desereti ga; ityôgh ki ibeenegh kpaa kar sha ityouv vev kera ga, sha u hemen ve gbenda atetan, man ityôgh ki usugh kpaa kar kera ga, sha u tesen ve iwanger man gbenda u vea zaan a mi tugh yô.

Upasalmi 105:39

A samber ibeenegh hingir kwagh u cirin, man usu sha u u̱ wanger tugh yô.

Upasalmi 78:14

Tetan A hemen ve sha ibeen, tugh cii yô, i gema i lu sha iwanger i usu.

Ekesodu 15:14

Akuraior ungwa, akarkase nga gbidyen ve iyol; mbamtoghor tser mba ve tem ken Mbafiliti

Ekesodu 33:11

Nahan TER A ôr kwagh a Mose ishigh a ishigh er or ka nan ôr kwagh a huror u nan nahan, tsô a hire ken afo; kpa wanakiriki na Yosua, wan u Nun, wanyekwaor la yô, duen ken tenti ga.

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

Ekesodu 40:38

Gadia ibeenegh ki TER ki lu sha tabernakel la atetan, tugh yô, usu u lu ker, sha ashe a ya u Iserael cii, sha zende ve cii.

Numeri 10:34

Ibeenegh ki TER luun ve sha atetan, zum u vea hembe hen afo vea gba yemen yô.

Numeri 12:8

M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 14:9

Yesu kaa a na er; M ngu a ven ayange ngee, nahan kpaa, we Filibu, u fam gaa? U nan nenge a Mo yô, nan nenge a Ter je ve; man er nan u kaan wer: Tese se Tere?

1 Mbakorinte 13:12

Gadia hegen se mba nengen ken ijingi cing kpa shighe la yô, á lu ishigh a ishigh. Hegen yô, mfe wam yina kpa hen shighe la me fa kwagh vough di er i fem vough nahan.

Duteronomi 1:19

Tsô se hembe hen Horebi, se nyôr zegedeserti u cier iyol u ne nenge a mi sha gbenda u zan ken tar u iwoogh u Mbaamor la, er TER, Aôndo wase, kaa se nahan; se va ar hen Kadeshi-barnea.

Duteronomi 34:10

Ma profeti ugen kera mough ken Iserael er Mose, u TER fa un ishigh a ishigh nahan ga,

Duteronomi 5:24

ne kaa ner: Nenge, TER, Aôndo wase, tese se icivir Na man mhembe Na, man se ungwa imo Na ken atô u usu je, nyian se nenge er Aôndo A er kwagh a or, kpa nan lu uma her yô.

Duteronomi 5:4

TER ôr kwagh a ven ishigh a ishigh je, sha uwo la, ken atô u usu

Yosua 5:1

Tsô zum u utor mba Mbaamor cii mba ve lu yande Yordan, vegher u shin ityôtar la, kua utor mba Mbakanaan cii mba ve lu hen kpe u Zegemnger la, ve ungwa gwa u TER tôndo mngerem ma Yordan sha ishigh ki Mbaiserael zan zan se per yô, ishima shoughom ve ker, ma ishima i taver kera lu ker a ve ga, sha ci u Mbaiserael.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.