Numeri 13:33 - ICIGHAN BIBILO

³³ Se nenge mbagbanakôr ker, ônov mba Anaki, tsombor u mbagbanakôr; se gema se nenge ayol ase yô, se lu er mbaahungwa nahan, kape ve kpaa ve lu nengen se je la.

Numeri 13:33 Iomraidhean Croise

Genese 6:4

Akôraior lu sha won sha ayange la, kua ken masejime kpaa, zum u ônov mba Aôndo tsa a ônkasev mba iorov, mar a ve la; mbala lu ior mba ageev, mba sha ayange a ngise la, mbaduenati je.

1 Kroniku 11:23

A shi a wua Origipiti or u taven tsung, ityaven na kuma aseva ataan; Origipiti la lu a iwange sha uwe, i lu er igyaikondo nahan; a sen hen a na a gbough, a tsuwe Origipiti la iwange sha uwe, a wua un sha iwange na la je.

Yesaia 40:22

Ka Un u A undu kpighikiki u tar shin, A tema sha la, mba ve tem sha u kpaa, mba er mbaahungwa yô; A naregh Usha er ikondo i vel vel nahan, A samber ve er tenti u teman ker yô;

Numeri 13:22

Ve kôndo sha Imbusutariyan la, ve va nyôr sha Heberon; Ahiman man Sesai man Talmai, ônov mba Anaki lu ker. Er i maa Heberon yô, anyom kar ataankarahar man i mase maan Soan ken Igipiti ye.

Numeri 13:28

Kpa mba ve tem ken tar la, ka ior mba ageev, agar kpaa i maa a gir, a kehe kpishi, shi se nenge a ônov mba Anaki ker kpaa.

Numeri 14:1

Tsô ior cii ger mliam, ior tsa vaan tugh mbula.

Duteronomi 1:28

Ka han sé yemene? Anmgbianev asev na se asema a yinan sha er ve kaa er: Ior mbala hemba se ikôr i gban man ityaven kpaa, agar kpaa ka a tamen, i maa a ugil tav za tagher sha aôndo je; se nenge a Mbaanaki keregh kpaa.

Duteronomi 2:10

(Tsuaa yô, lu Mbaemi tema hen ijiir la ye, ve lu ior mba gban akôr, ve ngee, shi ve tav er Mbaanaki nahan;

Duteronomi 3:11

(Gadia Ogo tor u Bashan la, ka un tseegh mase shin ken Mbarefai ye; gambe na lu gambeiyô; ka ken Raba u ken ônov mba Mbaamon a lu ye gaa? Ityaven na ka aseva ataankaranyiin je, igbangese na gema ka aseva anyiin je, sha ishiva i karen kwagh a mi keke la.)

Duteronomi 9:2

ior mba gban akôr, mba taven, Mbaanaki, mba u fe ve, mba u ongo, i er kwagh ve er: Ka an nana fatyô u tilen sha ishigh ki Mbaanaki laa?

Yosua 11:21

Hen shighe la je Yosua va, va tim Mbaanaki sha tar u iwoogh kera, ken Heberon man Debir man Anabi man sha tar u Yuda u iwoogh cii kua sha tar u Iserael u iwoogh cii; Yosua tim ve ci ca cii kua agar a ve.

Yosua 14:12

Hegen yô, nan uwo ne, u TER ôr kwagh u u sha iyange la, gadia sha iyange la je u ungwa er Mbaanaki lu ker yô, man agar a vesen a lun a ugir je; alaghga TER Una lu a mo, me zenda ve kera er TER A kaa yô.

Yosua 15:14

Tsô Kalebu zenda ônov mba Anaki mba utar hen ijiir la kera, ka Sheshai man Ahiman kua Talmai ônov mba Anaki.

1 Samuel 17:24

Ior mba Iserael cii, mba nengen a or la yô, ve yevese un, ve cia kpishi.

1 Samuel 17:42

Kpa zum u Orfiliti la ta ashe za nenge a Davidi yô, a laha un, gadia lu wanye tsô, lu nyian, kuma ashe.