Numeri 13:27 - ICIGHAN BIBILO

²⁷ Ve ôr un er: Se za ken tar u u tindi se la, mimi je, atumbabua dumbur ken u man iyough; ka atam a ikon a ker je ne.

Numeri 13:27 Iomraidhean Croise

Nehemia 9:25

Ve ngohol agar a lun a ugil kua tar u doon iyiagh, ve ngohol uya mba mgboughon a akaa a dedoo man azôr a ombon mngerem shimi a i time a shin avande man ishule i ikon i wain man ishule i olev kua ikon ngôgh i umen atam; ve ya kwagh kuma ve, ve kehe, kpe ve iyol sha iveren You i vesen.

Ekesodu 13:5

Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 3:17

man shi M kaa Mer: Me due a ven ken ican i ken Igipiti, Me yem a ven ken tar u Mbakanaan man Mbahiti man Mbaamor man Mbaperishi man Mbahivi man Mbayebushi, tar u atumbabua man iyough ve dumbur ker la.

Ekesodu 3:8

Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ekesodu 33:3

u zan hen tar u atumbabua man iyough ve dumbur ker la, gadia Mo Me zaan hen atô wou a we imôngo ga, gadia we u ngu ikurior i taver ityough, sha er Me tim u sha gbenda ga yô.

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Yeremia 32:22

man shi U na ve tar ne U bum a uter vev Wer, Ú na ve, tar u atumbabua man iyough ve dumbur ken u la;

Esekiel 20:15

Man shi M bum a ve ken desereti, Mer: Me kera va a ve ken tar u M na ve la ga, tar u u dumbur a atumbabua man iyough, u u hembe ityar igen cii mdoom la,

Esekiel 20:6

Sha iyange la je M bum a ve Mer: Me due a ve ken tar u Igipiti, Me va a ve ken tar u lu M tsuwa sha ci ve la, tar u dumbur a atumba man iyough, u hemba ityar igen cii mdoom.

Levitiku 20:24

Kpa ne yô, M kaa ne Mer, ka ne né ya dyako u tar ve ye, Mo Me na ne u, u̱ hingir kwagh wen jim, ka tar u atumbabua a dumbur ken u kua iyough kpaa; ka Mo TER M lu Aôndo wen u M ver ne kposo a akuraior yô.

Numeri 14:7

ve ôr kwagh a ior i Mbaiserael cii, ve kaa er: Tar u se zende ken u sha u nengen u mker la, ka tar u doon kpishi.

Numeri 14:8

Aluer i doo TER a vese yô, Una nyôr a vese ken tar la, Una na se u; ka tar u atumbabua man iyough ve dumbur ken u.

Numeri 16:13

er u dugh a vese ken tar u atumbabua man iyough dumbur ker la wer, ú va wua se ken desereti ne, nahan ka kwagh u kiriki? Shi ka u ka yan tor sha vese kpaa ha?

Numeri 16:14

Man u va a vese ken tar u atumbabua man iyough dumbur ker ga, u na se dyako u ishule man ikon i wain kpaa ga; sar u ka tsuwan ior mban ashe? Yô, sé va ga.

Duteronomi 11:9

man sha er á seer ne ayange ken tar u TER bum a uter enev er Una na ve a tsombor ve la, tar u atumbabua man iyough ve dumbur ker yô.

Duteronomi 26:9

A va a vese hen ijiir ne, A va na se tar ne, tar u dumbur a atumbabua man iyough.

Duteronomi 27:3

Zum u ú per yô, nger akaaôron a tindi ne cii sha mi, sha er u nyôr ken tar u TER, Aôndo wou, Una na u la, tar u u dumbur a atumbabua man iyough, er TER, Aôndo u uter ou, lu tôndo zwa a we nahan.

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Duteronomi 6:3

Yô, ver ato Iserael, ver ishima u eren sha mi, sha er á kpe u iyol ú seer iyenge kpishi er TER, Aôndo u uter ou, tôndo zwa a we nahan ken tar u atumbabua kua iyough ve dumbur ker yô.

Yosua 5:6

Gadia Mbaiserael zende ken toho anyom akunduahar zan zan ior cii, ka nomso mbanôngontyav mba ve due ken Igipiti je la, ve saa kera, sha ci u ve ungwa imo i TER ga yô; TER kpaa bum a ve er, Una de ve, ve̱ nenge tar u TER lu bum a uter vev, er Una na se la, ga, tar u dumbur a atumbabua man iyough la.