Numeri 12:8 - ICIGHAN BIBILO

⁸ M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

Numeri 12:8 Iomraidhean Croise

Genese 32:30

Yakob maa ii ijiir la iti er Peniel; gadia a kaa er: M zua ishigh a Aôndo, nahan kpaa, uma wam war.

Upasalmi 17:15

Kpa mo yô, me nenge ishigh You ken perapera; zum u me nder yô, mluashe Wou una kumam.

Upasalmi 49:4

Me ver ato sha kwaghôron u injakwagh, me pase kikya wam sha molo.

Ekesodu 19:19

Zum u ikpamkor lu seer a seer taver imo la yô, Mose lu ôron kwagh, Aôndo kpaa lu rumun un sha imo i taver je.

Ekesodu 20:4

De gbe eev ga, shin kwagh u a bee ma kwagh u a lu sha kwavaôndo shin u a lu shin inya, shin u a lu shin mngerem ma shin mkur u inyaagh kpaa ga.

Ekesodu 33:11

Nahan TER A ôr kwagh a Mose ishigh a ishigh er or ka nan ôr kwagh a huror u nan nahan, tsô a hire ken afo; kpa wanakiriki na Yosua, wan u Nun, wanyekwaor la yô, duen ken tenti ga.

Ekesodu 33:19

A kaa er: Me er mdoom Am cii maa kar sha ishigh you, shi Me yôô iti i TER sha ishigh you kpaa; Me rumun or sha mhôôn, u i lum pe rumun nan yô; Me zungwe or mhôônom u i lum pe zungwen nan yô.

Ekesodu 33:23

tsô Me tôô uwegh Agh kera, ú nenge ijime Yam; kpa ishigh Yagh yô, á nenge a mi ga.

Ekesodu 34:30

Zum u Aron man Mbaiserael cii nenge a Mose yô, kwav u ishigh nagh engem, nahan ve cia u mgbôghom a na.

Anzaakaa 1:6

Sha u kaven injakwagh man kwagh u tesen ikav, ka akaaôron a mbafankwagh kua mkaanem vem ma cimin je la.

Yesaia 40:18

Tsô né kar Aôndo sha ana? Man ka hanma mluyol a kom u karen sha a Naa?

Yesaia 46:5

Ka an, né karem sha a nana, man né verem vough a nana; né karem sha mluyol u ana er se̱ lu kwagh mômô?

Esekiel 17:2

Wan u or, ta kikya, ôr ya u Iserael injakwagh;

Esekiel 20:49

Tsô m kaa mer: Kpei! Tere, AÔNDO! Mba teren mo er: Kera ka or u ôron kwagh sha anzaakaa tsô gaa?

Hosea 12:13

Ka sha ikev i profeti TER due a Iserael ken tar u Igipiti, man sha ikev i profeti kpaa i kura un ye.

Numeri 14:14

tsô vea gba ôron mba ve tem ken tar ne; man ve kpaa ve vande ungwan, er We TER U lu ken atô u ior mban yô, man mba nengen a We TER ishigh a ishigh je, man ibeenegh You kpaa ki luun ve sha, shi We U hemen ve gbenda ken ityôgh ki ibeenegh atetan man ken ityôgh ki usugh tugh.

Numeri 7:89

Zum u Mose nyôr ken tenti u kohol ker la, sha u ôron kwagh a Na yô, a ungwa Imo lu ôron kwagh a na sha ijiir i nan iwom her i i lu sha areki u shiada hen atô u ucerubi uhar la; tsô A ôr kwagh a na.

Mateu 13:35

sha u kwagh u i ôr sha ikev i profeti Yesaia la yô, a̱ kure sha mi vough, er: Me bugh zwa Wam Me ôr anzaakaa. Me pase akaa a a lu myer er i gba tar je la.

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 15:15

M kera yila ne Mer ikpan ga, gadia kpan fe kwagh u ter na a eren ga; kpa M yila ne Mer, akar, gadia akaa a M ongo hen Terem cii, M ôr ne a.

YOHANE 15:24

Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

1 Mbakorinte 13:12

Gadia hegen se mba nengen ken ijingi cing kpa shighe la yô, á lu ishigh a ishigh. Hegen yô, mfe wam yina kpa hen shighe la me fa kwagh vough di er i fem vough nahan.

2 Mbakorinte 3:18

Se cii se kera mba a ikondo i yisan sha ishi ga se mba nengen iengem i Ter er ka ken ijingi nahan. Mba geman se se̱ hingir er ibeen shon la nahan, hii ken iengem za a za hemen ken iengem. Ka hen Ter u A lu Jijingi la kwagh ne a dugh ye.

Duteronomi 18:15

TER, Aôndo wou, Una ver u Profeti, Una due hen atô wou ken anmgbianev ou je, er mo nahan, ka Un né ver ato sha a Na ye.

Duteronomi 34:10

Ma profeti ugen kera mough ken Iserael er Mose, u TER fa un ishigh a ishigh nahan ga,

Duteronomi 4:15

Kura nen ayol a en dedoo je, gadia iyange i TER ôr kwagh a ven hen Horebi hen atô u usu la ne nenge a ma kwagh sha ashe ga;

Duteronomi 5:8

De gbe eev ga, shin ma kwagh u a bee kwagh u a lu sha kwavaôndo shin u a lu shin inya, shin u a lu shin mngerem ma shin mkur u inyaagh kpaa ga;

Mbakolose 1:15

Un ka ibeen i Aôndo u i nengen a Na ga la, ka Waniunda ken akaa a i gbe a cii,

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

Mbaheberu 1:1

Ngise yô, Aôndo ôr kwagh a uter sha uprofeti acin imôngo man sha igbenda kposo kposo kpaa,

Mbaheberu 1:3

Un yô, ka mmondo u iengem Na man shi eev mbu mlu Na vough kpaa. Ngu a akaa cii sha ave Na sha kwaghôron u sha agee a Na la. Er A wanger asorabo kera yô, A za tema sha uwegh ku yanegh ku Icivirigh.

2 Peteru 2:10

Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbala kpaa ka cier ve iyol ga.

Yuda 1:8

Mban kpaa ka sha gbenda shon môm môm ne ve lu hôngor ayol a ve sha mnyam ma cien, ve lu vendan mbautahav, ve lu tuhwan mba ve engem la ye.