Numeri 12:6 - ICIGHAN BIBILO

⁶ A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.

Numeri 12:6 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Genese 20:7

Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

Genese 28:12

Mnyam cie un er gogo tuur shin inya, za suur ityough sha aôndo je; mbatyomov mba Shaav mba Aôndo gema lu unden man shi hungwan sha mi.

Genese 28:16

Tsô Yakob nder, a kaa er: Mimi je, TER ngu hen ijiir ne, man mo yô, m fa ga.

Genese 37:5

Tsô mnyam cie Yosev, a ôr anngôôv nav, shi ve seer kôron un ihom.

Genese 37:9

Shi a kimbir u ôron anngôôv nav mnyam magenem, a kaa er: Nenge, mnyam shi ciem er, iyange man uwer man asan pue kar môm ve lu guren mo inya.

Genese 46:2

Aôndo ôr kwagh a Iserael sha mbampase tugh. A yila er: Yakob! Yakob! A rumun er: Een.

2 Samuel 7:4

Tsô hen tugh mbula je, kwaghôron u TER va hen Natan er:

1 Utor 3:15

Tsô Solomon maa nder; yô, lu mnyam ma cien tsô; nahan a va ken Yerusalem a va tile sha ishigh ki areki u ikuryan u TER, a na iniav mbi nanden, shi a na iniav mbi bem kpaa, a er mbashiren un cii iniongo.

1 Utor 3:5

Ken Gibeon la, TER ande hen Solomon ken mnyam ma cien tugh. Aôndo kaa er: Sônom kwagh u a sar u u M̱ na u yô.

Yobu 33:15

Ken mnyam ma cien, man ken mpase u ken mnya tugh, zum u or ka nana yav mem mem, ken mmeer u mnya sha gambe la,

Yobu 4:13

ken mbamhen mba ve dugh sha akaa a i nengen a ken mnya tugh, zum u mnyam ka ma kôr ior yum la,

Upasalmi 105:15

lu kaan er: De bende nen mba M shigh ve mkurem la ave ga, mbaprofeti Av kpaa de eren nen ve kwagh u vihin ga.

Upasalmi 89:19

Iyange U ôr kwagh a or u i doo U a na la sha mpase u sha mnenge, U kaa Wer: M ver iwasen sha or u a lu a tahav, M kende a or sha, u i tsough un ken ior yô.

Ekesodu 7:1

Tsô TER kaa a Mose er: Nenge, M ver u, lu Farao er Aôndo nahan; anngôu Aron a̱ gema a̱ lu profeti wou.

Yeremia 23:25

M ungwa kwagh u uprofeti ve kaa la, mba ve ôron kwaghôron u uprofeti sha aie ken iti Yam, er: Mnyam ciem, mnyam ciem la.

Yeremia 23:28

Profeti u a lu a mnyam ma cien yô, a̱ ôr ase mnyam shi un di u a lu a kwaghôron Wam kpaa, a̱ ôr kwaghôron Wam sha mimi. Adenga alakema kuma sha alakema je kpa? Kape TER A kaa ne.

Esekiel 1:1

Tsô sha inyom i sha ikundugber, uwer u sha unyiin, ayange a u ataan la, er m lu ken mbakwarev hen kpeifi u Cebar yô, i bugh Sha man m nenge mbampase mba Aôndo.

Daniel 10:8

Nahan m mase shin tswen, tsô m nenge zegempase ne, ma agee kera lu ken a mo ga; gadia mluashe wam u dedoo gema hingir dang, m kera shi a ma agee ga.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Daniel 7:1

Sha inyom i hiihii i Beleshasar tor u Babilon la, mnyam cie Daniel, a nenge mbampase er a yav sha gambe na yô; nahan a nger mnyam mara, a ôr homonkwagh u ma.

Daniel 8:2

M nenge ken mpase; zum u m nenge la yô, m lu ken Shushan garutya u ken tiôntar u Elam; m nenge ken mpase u sha mnenge, m lu hen kpe ifi u Ulai.

Hosea 12:11

Er Gileadi vande lun iferkwagh yô, ve hingir gbilinkwagh cii; ken Gilgal mba nan nagh ku sôngon sha anomabua; atse ve a nanden nagh sha mi la aa hingir er atihi a awen ken ihighasule nahan.

Yoel 3:1

Gadia, nenge, sha ayange la, man sha shighe la kpaa, zum u me hire a Yuda man Yerusalem ken kwar yô,

Sekaria 1:8

M lu kenger tugh yô, nenge, or henda nyinya u nyian, tile ker atô u ikon i mertel i shin pev; man ken ijime na yô, anyinya lu, lu a nyian man a lun kang man a pupuu.

Numeri 24:4

mpase u or u ungwan akaaôron a Aôndo, u a nengen mpase u Uhembanagee, u a gbe inya, ashe a na a lu ivegher la.

Mateu 1:20

Kpa ngur henen sha akaa ne nahan yô, ortyom u Ter va ande her a na ken mnya, kaa er: We, Yosev, wan u Davidi, de cie u eren kwase wou Maria ne ga, gadia kwagh u a jil un ken iyol la, ka u sha Icighan Jijingi je.

Mateu 2:19

Kpa Herode va kpe kera yô, ortyom u Ter za ande hen Yosev ken mnyam ma cien ken Igipiti,

Mateu 23:31

Kape ne lu eren shiada pasen ayol a en er ne lu ônov mba mbawuan uprofeti je la.

Mateu 23:34

Sha ci u nahan yô, M ngu tindin ne a uprofeti man ior mba fan kwagh man mbangeren; né wua mbagenev, né mande mbagenev sha terankon, shi mbagenev yô, né gbidye ve akpa ken ushinagoge enev, né tôv ve a ican ityô sha agar agar;

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Mateu 27:19

Tsô er a tema sha ikônough nagh ki orjir yô, kwase na tindi loho her a na er: Dugh ave ou sha kwagh u Or u perapera la kera, gadia nyian tugh ican erem kpishi ken mnya sha ci Na.

Luka 1:11

Tsô ortyom u Ter va ande hen na, tile ken uwegh ku yanegh ku atse a nanden nagh ku human doon sha mi la.

Luka 1:22

kpa dugh ken won yô, a kera fatyô u lamen a ve ga; nahan ve kav er a nenge a ma kwagh ken tempel yô. Lu ôron kwagh a ve sha ave, a kondo iker.

Luka 20:6

Man aluer sea kaa ser: Ka hen ior yô, ikpelaior cii ia ta se awen, gadia ve fa mimi je er Yohane a lu profeti yô.

Aerenakaa A Mbaapostoli 10:11

A nenge Sha ivegher, man shi ikagh lu senen sha Aôndo, lu er ka zegeikondo nahan, i kôr azongo na anyiin, i lu senen a mi shin tar.

Aerenakaa A Mbaapostoli 10:17

Tsô er lu nzughul Peteru ken ishima yum sha inja i mpase u sha mnenge u a nenge la yô, ior mba Korneliu tindi ve la, vande pinen iyou i Shimon, va tile sha hunda ve.

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Duteronomi 18:15

TER, Aôndo wou, Una ver u Profeti, Una due hen atô wou ken anmgbianev ou je, er mo nahan, ka Un né ver ato sha a Na ye.

Duteronomi 18:18

Me ver ve Profeti, Una due ken anmgbianev vev, er we nahan; Me na akaaôron Am ken zwa Na, Una ôr ve akaa cii a Me kaa Un yô.

Mbaheberu 1:1

Ngise yô, Aôndo ôr kwagh a uter sha uprofeti acin imôngo man sha igbenda kposo kposo kpaa,

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.

1 Samuel 28:6

Er Saulu pine TER yô, TER bugh un zwa ga, shin sha mnyam ma cien, shin sha Urim, shin sha uprofeti kpaa ga.

1 Samuel 3:15

Tsô Samuel yav zan zan sev av; nahan a bugh ihinda i iyou i TER. Samuel cia u ôron Eli mpase la.

1 Samuel 3:21

TER kpaa shi ande ken Shilo; gadia ka ken Shilo je TER pase iyol Na hen Samuel sha kwaghôron u TER ye.