Numeri 12:13 - ICIGHAN BIBILO

¹³ Tsô Mose vaa a TER, a kaa er: Aôndo ma U shi wanger un.

Numeri 12:13 Iomraidhean Croise

Genese 20:17

Tsô Aberaham sôn Aôndo, Aôndo war Abimeleki vea kwase na kua ikpan na i ukase, nahan ve gba maren.

1 Utor 13:6

Tsô tor gba ôron kwagh, kaa a or u Aôndo la er: Yô, sôn ase TER, Aôndo wou, A̱ zungwem mhôônom, er msen sha ci wam er m̱ shi m̱ hide a uwegh agh her yô. Tsô or u Aôndo la zamber a TER, uwegh ku tor kpaa hide her er ku lu keke nahan.

Upasalmi 30:2

TERE, Aôndo wam, m yila U, man U beem angev kpaa.

Upasalmi 41:4

Mo m kaa mer: TERE, zungwem mhôônom; beem angev, gadia m er U isholibo.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 4:7

A shi A kaa er: Shi za uwegh ough ken vanger wou. Tsô a shi a za uwegh nagh ken vanger na; dughun ku ken vanger na kera yô, nenge, ku hingir er alegh a na agen yô.

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yeremia 17:14

Beem angev, TERE, tsô me hingir dedoo; yimam, tsô me war; iwuese yam ka We je.

Numeri 11:2

Nahan ior vaa a Mose; Mose gema sôn TER, usu maa pir.

Numeri 12:12

De deen un a̱ hingir er wan u i mar un kpenegh, a dugh a hee vegher môm ze he!

Numeri 14:2

Mbaiserael cii gba zan Mose man Aron ivever iyol, ior cii kaa er: Guda ma se kpe ken tar u Igipiti, gayô, guda ma se kpe ken desereti ne je!

Numeri 16:41

Tsô sev mbu av yô, ior i Mbaiserael cii mough ayôôso sha Mose kua Aron, ve gba kaan er: Ka ne je ne woo ior mba TER ye.

Luka 23:34

Tsô Yesu kaa er: Tere, de ve, gadia ve fa kwagh u ve lu eren ne ga. Man shi ve kar akondo a Na sha ishor i eren kpaa.

Luka 6:28

ver nen mba ve toho ne la dedoo; man eren nen msen sha ci u mba ve eren ne akaa a dang la.

Aerenakaa A Mbaapostoli 7:60

Tsô a gure inya, a genger imo taver taver er: Tere, de ne ve ibo sha isholibo ne ga! Kaan nahan yô, maa a sule.

Mbaromanu 12:21

Kwaghbo a̱ de hembe u ga, kpa we gema hemba kwaghbo sha kwagh u dedoo.

Yakobu 5:15

Msen u sha jighjigh u nan la una yima oruange la man Ter Una mough a nan sha. Aluer nan er isholibo je kpaa, á de nan.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.