Numeri 11:20 - ICIGHAN BIBILO

²⁰ kpa á lu uwer jimin zan zan ia due ne ishima, ia ndôhôr ne ishima kpaa, sha ci u ne vende TER u A lu hen atô wen, ne vaa sha ishigh Nagh ne kaa ner: Ka nyi yan se due ken Igipiti nahana?

Numeri 11:20 Iomraidhean Croise

2 Samuel 12:10

Nahan hegen yô, sanker una kar hen ya wou kera ga; sha ci u u laham u tee kwase u Uria Orhiti a hingir kwase wou yô.

Upasalmi 106:15

A na ve kwagh u ve sen yô, kpa a tindi ve mkande ken ishima.

Ekesodu 16:13

Tsô iyange i been yô, utakange va, va haa hen afo cii; kper nan pepe yô, avure gba, ningir afo tser.

Ekesodu 16:3

Mbaiserael kaa a ve er: Guda u ma se kpe sha uwegh ku TER ken tar u Igipiti zum u se teman a ityev mbi inyamev ikum se yaan bredi kuman se la; gadia ne va a vese ken desereti ne ner, né va wua nongoior ne cii sha ijen.

Ekesodu 16:8

Mose kaa er: Ka shighe u TER Una na ne inyam aikighe, né ya, kua kwaghyan pepe kpaa, á kuma ne la; gadia TER ungwa ivever i ne eren Un la; se mba nyi? Ka se, ne ze se ivever iyol ga, kpa ka TER.

Anzaakaa 27:7

Or u nan idi yô, zaryoughough je kpaa ka u ndôhôr nan ishima, kpa or u ijen i ker nan yô, hanma kwagh u yuan kpaa ka nan kwagh u nyohon.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

Numeri 11:13

Me zua a inyam han man me na ior mban cii nahana? Gadia mba vaan a mo kaan er: Na se inyam, se̱ ya.

Numeri 11:19

Né ya iyange i môm shin ayange ahar shin ataan shin pue shin ikundu tsô ga;

Numeri 11:21

Mose kaa er: Ior mba m lu a ve, ka ior dubu deri ataratar je, mba zan angahar, man U kaa Wer: Ne na ve inyam ve̱ ya uwer môm jimin.

Numeri 14:3

Ka nyi man TER A ve a vese ken tar ne er se̱ va kpe ku u ishôm nahana? Kasev man mbayev asev mba kiriki, á va kura ve; kera guda u sé hide ken Igipiti gaa?

Numeri 14:4

Tsô ve gba kaan ayol a ve er: Sé ver nen or u hemen se, sé hide nen ken Igipiti.

Numeri 16:13

er u dugh a vese ken tar u atumbabua man iyough dumbur ker la wer, ú va wua se ken desereti ne, nahan ka kwagh u kiriki? Shi ka u ka yan tor sha vese kpaa ha?

Numeri 20:4

Man inja na nan man ne ve a ior i TER ken desereti ne, sha u sé va kpe ker, se a uzendenya asev cii?

Numeri 21:5

Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Aerenakaa A Mbaapostoli 13:41

Nenge nen, ne mba ne lahan ne, i̱ kpiligh ne iyol, tim nen, gadia M ngu eren tom ugen ken ayange a en; ka tom u mayange né rumun u jighjigh ga yô, shin aluer orgen nana pase ne u je kpaa.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

Yosua 24:27

Yosua shi kaa a ior cii er: Nenge, iwen ne ia hingir se shiada, gadia i ungwa akaaôron a TER A er se cii; nahan yô, ia hingir ne shiada sha er né nyiman Aôndo wen ga yô.

1 Samuel 10:19

kpa nyian, ne venda Aôndo wen, Un u A yem ne iyol Na je, ken atsan a en cii kua uzayol enev, ne kaa a Na, ner: Ei! Na se tor. Nahan yô, va tile nen ase heen sha ishigh ki TER sha ikwe ikwe man sha udubu udubu.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.