Numeri 11:12 - ICIGHAN BIBILO

¹² Ka mo m wa iyav mbu ior mban yee? Ka mo m mar ve shinii, ve U kaan a mo Wer: Kôr ve sha ikum er yese ka a kôr wan u man atumba nahan, a ve hen tar u U bum Wer Ú na uter vev la yee?

Numeri 11:12 Iomraidhean Croise

Genese 13:15

gadia tar u, u nengen ne cii, Me na u, u̱ lu u wou kua u tsombor wou, gbem sha won.

Genese 24:7

TER, Aôndo u Sha, u A due a mo hen ya u terem, ken tar u i marem la, A ôr kwagh a mo man A bum a mo, A kaa er: Me na tsombor wou tar ne; ka Un je Una tindi ortyom Na Una hemen we, ú za er kwase keela ú na wan wam ye.

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Genese 50:24

Tsô Yosev kaa a anngôôv nav er: M ngu kpen; Aôndo Una va sôr ne kpee je, Una due a ven ken tar ne, Una yem a ven ken tar u A bum er Una na Aberaham man Isaka man Yakob yô.

2 Utor 10:1

Ahaba lu a ônov mba nomso akunduatargber ken Samaria. Tsô Yehu nger uwashika, tindi hen Samaria, hen mbatarev mba Yesereel, ka mbatamen je la, man shi hen mba ve koso ônov mba Ahaba la, a kaa er:

2 Utor 10:5

Nahan orvesen u nengen sha ya u tor, man shi orvesen u nengen sha gar, man mbatamen kpaa, kua mba ve koson mbayev mbala, ve tindi loho hen Yehu, ve kaa er: Se mba mbayev ou, sé er kwagh u wea kaa se cii; sé ver ma or tor ga; gba eren kwagh u a doo u tsô.

Ekesodu 13:11

Tsô zum u TER Una nyôr a we ken tar u Mbakanaan er lu bum a we man uter ou la, Una za na u u yô,

Ekesodu 13:5

Yô, zum u TER Una za a we ken tar u Mbakanaan man Mbahiti man Mbaamor man Mbahivi man Mbayebushi, u A bum a uter ou er Una na u u la, tar u atumbabua man iyough ve dumbur ken u la yô; shighe la, wa iko u eren ieren ne sha uwer ne je

Ekesodu 33:1

Tsô TER kaa a Mose er: Mough heen, we kua ior mba u due a ve ken tar u Igipiti ne, yem nen ken tar u M bum a Aberaham man Isaka man Yakob M kaa Mer: Ka tsombor wou je Me na u u ye;

Ekesodu 6:8

Man shi Me va a ven ken tar u M bum Mer, Me na Aberaham man Isaka man Yakob la; Me na ne u, ua lu dyako wen; ka Mo TER.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 49:15

Wan u man atumba una hungul ngô na je kpa, mhôônom maa kôr un a wan u a dugh ken iyav nav la gaa? Shin ve yô, á hungul ve, kpa Mo yô, ú hungul Mo ga.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

YOHANE 10:11

Mo M ngu Orkuranilev u dedoo; orkuranilev u dedoo ka A gbihi uma na sha ci u iyôngo.

1 Mbakorinte 4:15

Gadia shin nea lu a mbakuran ken Kristu vea ngee gande u ôron je kpaa ne mba a uter imôngo ga, gadia ka mo m mar ne ken Kristu Yesu sha Loho u Dedoo ye.

Mbagalatia 4:19

Mbayev av, m shi m ngu toghor mar wen zan zan á va jile Kristu ken a ven.

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

1 Mbatesalonika 2:7

Kpa se lu eren sha uee her atô wen er ngô ka a uve sha ônov nav nahan.