Numeri 11:10 - ICIGHAN BIBILO

¹⁰ Tsô Mose ungwa ior lu vaan sha uipaven vev cii, hanma or her hunda u tenti u nan; ishima nyoon TER tsung; Mose kpaa doo un ga.

Numeri 11:10 Iomraidhean Croise

Upasalmi 106:25

kpa ve er ivever ken utenti vev, ve ver ato sha imo i TER ga.

Upasalmi 139:21

Me kera kôr mba ve ker U ihom la ihom ga ha, TERE? Shi ishima ia ndôhôr mo a mba ve mough num a We la ga ha?

Upasalmi 78:21

Ka nahan man TER ungwa, ishima nyoon Un ye; i keer usu u ver tswam a Yakob, iyugh kpaa ta sha Iserael;

Upasalmi 78:59

Zum u Aôndo ungwa nahan, ishima vihi Un tsung, maa A ta Iserael kera eleghee je;

Yesaia 5:25

Ka nahan man iyugh i TER i kende sha ior Nav ye, man shi A naregh uwegh Nagh sha u eren num a ve; A tsaha ve, iwo kpaa tenger, man akom a ve hingir er ihôghonov nahan ker atô u akômaigbinda. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 17:4

Man we ú gema ú pase uwegh ough sha dyako wou u M ne u la kera; man shi Me na, ú er mbaihomov ou tom ken tar u u fe u ga yô; gadia ne keer usu sha iyugh Yam, u ua tsôron hian yô.

Numeri 11:1

Tsô ior gba vaan ican sha ato a TER; zum u TER ungwa nahan ishima nyoon Un, tsô usu u TER gba yeghen hen atô ve, hia kpeafogh.

Numeri 11:11

Mose gema kaa a TER er: Ka nyi U er wanakiriki wou ican nahana? Shi ka nyi i kera doo U a mo ga, U gem ior mban cii, zegeuikya ne nahan, U wem avee?

Numeri 11:9

Zum u avure aa gba hen afo tugh yô, mana kpaa a haa a a imôngo.

Numeri 12:3

Kpa Mose yô, lu or u ishima legh legh je zua ga, hemba hanma or sha won cii.

Numeri 12:9

Nahan ishima nyoon TER a ve tsung; A mough, A yem.

Numeri 16:27

Tsô ve kar hen utenti mba Koraki man Datan man Abiram kera; Datan vea Abiram yô, ve due, ve tile hen hunda u utenti vev, ve a kasev vev man ônov vev mba nomso man mbayev vev mba kiriki.

Numeri 21:5

Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Marku 3:5

Tsô er A gema A jinge sha a ve a iyugh, ishima lu vihin Un sha ci u asema a ve a cighir yô, A kaa a or la er: Naregh uwegh ough; a naregh ku; tsô uwegh nagh maa hingir dedoo.

Duteronomi 32:22

Gadia i keer usu sha iyugh Yam, ngu yeghen je u ar shin atô u Sheol je; ngu hian tar a iyiagh ki u ngu hian amagh a iwoogh.