Numeri 10:9 - ICIGHAN BIBILO

⁹ Zum u né mough hen tar wen u za nôngon ityav a mbaihomov enev mba ve eren ne ican yô, tôngo nen ukakaki puusu puusu, tsô á umbur ne sha ishigh ki TER, Aôndo wen, á yima ne sha ikev i mbaihomov enev.

Numeri 10:9 Iomraidhean Croise

Genese 8:1

Tsô Aôndo umbur Noa man inyam cii kua uzendenya cii, mba ve lu a na imôngo ken tso yô. Aôndo er ahumbe va ta sha tar, mngerem maa goho.

2 Kroniku 13:12

Nenge, Aôndo ngu a vese, ngu hemen se kua upristi Nav a ikor i tôngon sha u nôngon ityav a ven. Ne ônov mba Iserael, de nenge nen ityav a TER, Aôndo u uter enev, ga; gadia á kpe ne iyol ga.

2 Kroniku 13:14

Tsô zum u Mbayuda mba gem ashe yô, nenge ityav yisa ve ken hemen kua ken ijime, tsô ve vaa a TER, upristi kpaa tôngo ikor.

Upasalmi 106:4

Umbur mo, TERE, sha mdoom Ou ma i doon We a ior Ou la; va sôrom a myom Wou,

Upasalmi 106:42

Mbaihomov vev kpaa kighir ve a ican, ve var inya sha ikev ve.

Upasalmi 136:23

A umbur se ken mlu wase u icivirigh ga la, gadia erdoo Na ka u tsôron gbem sha won;

Yesaia 18:3

Ne mba ne tem sha won cii, man ne mba ne tem sha tar kpaa, zum u á kende tuta sha, sha iwo yô, nenge nen, man zum u á tôngo korough kpaa, ungwa nen!

Yesaia 58:1

Genger imo, de deen ga, kende imo you sha er ka ikpamkor nahan, pase ior Av kwaghbo ve, kua ya u Yakob asorabo a ve.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Yeremia 4:21

Shi nan je man me de u nengen a tuta, man me de u ungwan imo i ikpamkoroo?

Yeremia 4:5

Pase nen ken Yuda, man yôô nen ken Yerusalem kaa nen ner: Tôngo ikpamkor ken tar; genger imo, kaa nen ner: Kohol nen, sé nyôr nen ken agar a lun a ugir.

Yeremia 49:2

Nahan yô, nenge, ayange nga van, kape TER A kaa ne, a Me na á ungwa shishavaa u utya sha Raba u Mbaamon; una hingir atihialôgh, man agar a na a kiriki yô, á nande a sha usu; tsô Iserael una ya dyako u mbala mba ve ye un dyako la, kape TER A kaa ne.

Yeremia 6:1

Yevese nen, ker nen ijiir i waren ne ônov mba Benyamin, due nen ken Yerusalem kera. Tôngo nen ikpamkor ken Tekoa, man kende nen a ikav sha, sha Bete-hakerem, gadia kwaghbo u ken imbusutarimese ngu kenger kua zegemtim kpaa.

Yeremia 6:17

Man shi M ver ne mbakuran, Mer: Ver nen ato sha mkaa u ikpamkor; kpa ve kaa er: Ka se ka veren ato ga.

Esekiel 7:14

Ve tôngo ikpamkor, ve wa ago iyol, ve bee; kpa ma or ngu zan ityav ga; gadia ishima i vihin Yam ngi sha ikpelaior ve cii.

Hosea 5:8

Tôngo nen korough hen Gibea man ikpamkor kpaa ken Rama; gbire nen ivaa ken Bete-aven; mba van we ken ijime, Benyamin.

Levitiku 23:24

Ôr kwagh a Mbaiserael, kaa a ve wer, uwer u sha utaankaruhar, sha iyange i hiihii i u la, mem nen iyol, ka kwagh u umbur sha ikor i tôngon, ka icighanmkohol.

Amoshi 3:6

Ka a tôngo ikpamkor ken gar nahan, mciem ma ta ior iyol ga kpa? Kwagh u bo una gba nyôron ken gar tsô, a lu TER A ve a mi ga kpa?

Sefania 1:16

iyange i tôngon ikor man i geren ityav sha agarautya a taver man sha ayouautya a taver.

Numeri 31:6

Nahan Mose tindi ve hen utya, ken hanma kwe ior lu dubu môm kua Pinehashi wan u pristi Eleasar a ikav mbi icighanjiir man ukakaki mba yôôn kwagh a min.

1 Mbakorinte 14:8

Gadia ikpamkor kpaa, aluer ia kaa imo hughuluu yô, ka an nana kange iyol i utya?

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Yosua 6:5

Tsô zum u vea tôngo ikoriyôngo tuee yô, man zum u né ungwa imo a ikor i tôngon yô, ior cii ve̱ genger imo, ve̱ gbidye ivaa taver taver, tsô gilgar una yôhôl, ior cii ve̱ nyôr hanma or nana̱ nyôr sha ishigh ki nan jighilii.

Mbaajiriv 10:12

Man zum u Mbashidon man Mbaamaleki kua Mbamaon, ve kighir ne, ne vaa a Mo la, Mo kpaa M yima ne sha ikev ve gaa?

Mbaajiriv 10:8

Inyom la je, ve er Mbaiserael ican, ve kighir ve; anyom pue kar anigheni cii ve lu kighir Mbaiserael cii, mba ve lu yande Yordan ken tar u Mbaamor u u lu ken Gileadi la.

Mbaajiriv 2:18

Zum u TER ver ve mbaajiriv yô, TER A lu a orjir la imôngo, A yima ve sha ikev i mbaihomov vev, sha ayange a orjir la cii; gadia mhôônom kôr TER a mtoghor ve u ve toghol sha ikev i mba zan ve iyol kua mba eren ve ican la.

Mbaajiriv 3:27

Tsô za nyer yô, a tôngo korough sha tar u iwoogh u Eferaim, Mbaiserael mough a na imôngo sha tar u iwoogh ve sen, lu wen hemen ve ye.

Mbaajiriv 6:34

Tsô Jijingi u TER va iv Gidion, nahan a tôngo korough; tsô Mbaabieser kange iyol i utya dondo sha a na.

Mbaajiriv 6:9

M yima ne sha ikev i Mbaigipiti kua sha ikev i mba ve eren ne ican cii, shi M zenda ve sha ishigh yenegh kera kpaa, M na ne tar ve;

1 Samuel 10:18

a kaa a Mbaiserael er: TER, Aôndo u Iserael, ngu kaan nahan er: Ka Mo M due a Iserael ken Igipiti ye, M yima ne sha ikev i Mbaigipiti kua sha ikev i ityartor i i er ne ican cii kpaa;