Numeri 10:29 - ICIGHAN BIBILO

²⁹ Tsô Mose kaa a Hobabi, wan u Reuel, Ormidian u a lu terkem u Mose la er: Se mba yemen hen ijiir i TER A kaa er: Me na ne i la; yô, mough a vese imôngo, sé er a we dedoo; gadia TER ôr kwagh u dedoo sha Iserael.

Numeri 10:29 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 13:15

gadia tar u, u nengen ne cii, Me na u, u̱ lu u wou kua u tsombor wou, gbem sha won.

Genese 15:18

Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:

Genese 17:8

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 32:12

Ka We je, U kaa Wer: Mimi je, Me er a we dedoo, Me gema tsombor wou ua hingir er waarawa u zegemnger u i fetyô u ôron u ga, sha ci u mngee u u yô.

Upasalmi 100:1

Ember TER, we tar cii.

Upasalmi 34:8

Bende, nenge nen, TER ka u doon je; saan or u nan suur sha a Na la, iyol.

Upasalmi 95:1

Va, sé wa nen icam i wuese TER, sé ember, sé ter nen vande u myom wase.

Ekesodu 18:1

Tsô Yetero, pristi u Midian, terkem u Mose, ungwa akaa a TER A er Mose cii, kua ior nav Iserael kpaa, er TER A dugh a Iserael ken Igipiti yô.

Ekesodu 18:12

Man shi Yetero terkem u Mose za a nagh ku nanden kua iniav mbi sôngon za na Aôndo; Aron va a mbavesen mba Iserael cii, sha u va yan kwagh a terkem u Mose imôngo sha ishigh ki Aôndo

Ekesodu 18:27

Tsô Mose ver ter na kem gbenda, yem ken tar na.

Ekesodu 2:18

Zum u ve va hen ter ve Reuel yô, a pine er: I er nan ne hir nyian fese nahana?

Ekesodu 2:21

Mose rumun u teman a or la; un gema na Mose wan na u kwase, Shipora.

Ekesodu 3:1

Tsô Mose lu kuran ilev mbi ter na kem Yetero, pristi u Midian la; a yem a ilev vegher u ken ijime i desereti a za ar hen uwo u Aôndo, ka Horebi je la.

Ekesodu 3:8

Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Ekesodu 6:4

Shi M ya ikur a ve Mer, Me na ve tar u Kanaan, tar u shir ve, u ve lu shir ker la.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yeremia 50:5

Vea pine kwagh u Shion, vea ver ishigh her a na, vea kaa er: Va, sé zua nen a TER sha ikuryan i tsôron i ia hungul mayange ga yô.

Numeri 10:28

Kape mhembe u Mbaiserael luun sha akum akum la; nahan ve hembe ve gba yemen.

Numeri 23:19

Aôndo ka or man Una er aie ga; shi ka wan u or man Una vaa afanyô kpaa ga; Una kaa kwagh yô, Una kera er sha mi gaa? Man Una ôr kwagh yô, Una kera kure sha mi vough gaa?

Aerenakaa A Mbaapostoli 7:5

A na un ma dyako ken u ga, shin iaven i nguhar i môm tsô kpaa ga; kpa A tôndo zwa er Una na un u u̱ hingir kwagh na kua u tsombor na ken ijime na kpaa, er lu a lu a wan ga je.

Duteronomi 30:5

TER, Aôndo wou, Una va a we ken tar u uter ou iyange lu ker la, ú ngohol u kpaa; Una er a we dedoo, Una seer we iyenge je ú hemba uter ou.

Duteronomi 4:40

Yô, ver ishima sha akaawan a Na, man atindi a Na a m we u nyian ne, sha er á kpe u iyol yô, we kua ônov ou mba ken ijime, sha er á seer we ayange a ou ken tar u TER, Aôndo wou, A lu nan we er u̱ lu u wou gbem sha won la.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.

Mbaajiriv 1:16

Ônov mba Orkeni won u Mose la, mough ken gar u avilegh la, a ônov mba Yuda imôngo, ve nyôr ken ikôngough ki Yuda ki ki lu hen Aradi tar u ken Imbusutariyan la, ve za tema a ior mba hen tar la imôngo.

Mbaajiriv 4:11

Kpa Heber, Orkeni, vande paven a Mbakeni, ônov mba Hobabi, won u Mose la, a tim tenti na hen kon u terebin u Saananim ikua ikua a Kedeshi.

1 Samuel 15:6

Nahan Saulu kaa a Mbakeni er: Mough, yem nen, undu nen Mbaamaleki sha er m̱ de timin ne a ve imôngo ga yô; gadia ne er a Mbaiserael dedoo zum u ve due ken tar u Igipiti la. Tsô Mbakeni mough hen Mbaamaleki kera.