Numeri 10:10 - ICIGHAN BIBILO

¹⁰ Sha ayange a en a ember kpaa, man sha ayange a uiniongo enev, man mdugh u iweregh kpaa, tôngon nen ukakaki sha iniav yenev mbi nanden kua iniav yenev mbi sôngon mbi bem kpaa, vea na á umbur ne sha ishigh ki Aôndo wen; ka Mo TER M lu Aôndo wen ye.

Numeri 10:10 Iomraidhean Croise

2 Utor 4:23

A kaa er: Ka nyi man i sar u u zan her a na nyiana? Ka uwer u he ga, shi ka iyange i memen kpaa ga. A kaa er: Dem tsô hô!

1 Kroniku 15:24

Man upristi Shebania man Yoshafati man Netanel man Amasai man Sekaria man Benaia man Elieser, ve tôngo ikor sha ishigh ki areki u Aôndo la; man Obedi-edom man Yehia lu mbakuranhunda hen ape areki lu la.

1 Kroniku 15:28

Kape Iserael cii, ve va a areki u ikuryan u TER a awer a gbiren kondo kondo sha imo i amar a tôngon man ikor man ukwen, er ve lu kuhwan taver taver sha mbaadiguve man umolo.

1 Kroniku 16:42

Heman man Yedutun kpaa lu a ukakaki man ukwen sha ci u ior mba tôngon man mba kuhwan la, man shi ityogholov sha ci u atsam a wuese Aôndo; kpa ônov mba Yedutun ve tilen sha hunda.

2 Kroniku 29:26

Tsô Mbalevi za tile a ityougholov mbi Davidi, upristi di lu a ikor i tôngon.

2 Kroniku 29:28

Tsô mkohol u ior cii gure civir, i wa atsam, i tôngo ikor, zan zan i kar kuren nagh ku nanden kura.

2 Kroniku 7:6

Upristi kpaa tile sha ityom ve; Mbalevi kpaa a ityogholov mbi TER, mbi tor Davidi er sha u wuese TER a mi–gadia erdoo Na ngu gbem sha won–sha icam i wuese i Davidi i ve lu wan la; upristi kpaa lu tôngon ikor sha ishiv vev; Iserael cii gema tile sha.

Esera 3:10

Zum u mbamaan tim imagh ki tempel u TER yô, ve ver upristi tile a akondo a ve iyol, ve lu a ikor i tôngon; man Mbalevi, ônov mba Asav lu a ukwen, sha u wuese TER, sha tindi u Davidi tor u Iserael.

Nehemia 12:35

man ônov mba upristi mbagenev a ikor: Sekaria wan u Yonatan, wan u Shemaia, wan u Matania, wan u Mikaia, wan u Sakur, wan u Asav;

Upasalmi 150:3

Wuese nen Un sha korough ku tôngon, wuese nen Un sha adiguve u vesen man u kiriki,

Upasalmi 81:3

Tôngo nen korough sha iyange i uwer u he u u dugh yô, man sha iyange i u hingir jimin, ka iyange i iniongo yase je la.

Upasalmi 81:4

Gadia ngun ka kwaghwan hen Mbaiserael je ne, ka iniezwa i Aôndo u Yakob je la.

Upasalmi 89:15

Mba ve fe imo i iember ne yô, saan ve iyol, mba zenden ken iwanger i ishigh You, TERE.

Ekesodu 28:29

Nahan Aron una tôô ati a ônov mba Iserael sha ikpa i kuren kwagh la, sha ishima na, zum u una nyôron ken icighanjiir yô, sha er a̱ lu kwagh u á umbur sha ishigh ki TER gbem yô.

Ekesodu 30:16

Ngohol inyaregh ki iwom hen Mbaiserael, ver ki sha ci u tom u tenti u kohol ker la, sha er ki̱ hingir kwagh u umbur Mbaiserael a mi sha ishigh ki TER yô, sha u nan iwom sha ci u uuma enev.

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Levitiku 23:24

Ôr kwagh a Mbaiserael, kaa a ve wer, uwer u sha utaankaruhar, sha iyange i hiihii i u la, mem nen iyol, ka kwagh u umbur sha ikor i tôngon, ka icighanmkohol.

Numeri 10:9

Zum u né mough hen tar wen u za nôngon ityav a mbaihomov enev mba ve eren ne ican yô, tôngo nen ukakaki puusu puusu, tsô á umbur ne sha ishigh ki TER, Aôndo wen, á yima ne sha ikev i mbaihomov enev.

Numeri 28:11

Sha mhii u hanma uwer wen yô, naan nen TER nagh ku nanden, agumabua ahar man nomiyôngo môm man agumaiyôngo ataankarahar a a kom inyom i môm i môm, a a lu a ihogholough iyol ga yô,

Numeri 29:1

Uwer u sha utaankaruhar, sha iyange i hiihii i u la, er nen icighanmkohol, de eren nen ma tom u ican ga, i̱ lu ne iyange i tôngon ikor.

Mateu 11:28

Va nen her a Mo, ne mba i ver ne iyol cii, ikav mbi yoho ne kpaa, Mo me na ne mmem.

Aerenakaa A Mbaapostoli 10:4

A kenger un, cier un iyol, a kaa er: Ka nyi, tere? A kaa a na er: Mbamsen ou man uiwua ou ve kôndo sha, hingir kwagh u Aôndo Una umbur je.

1 Mbakorinte 15:52

Á lu fese je er ka i pelegh ashee nahan, sha mtenge u ikpamkor i masetyô la, gadia á tôngo ikpamkor man á nder mbakpenev vea kera lu mbahôôn ga je, man se yô, á gema se a gema.

1 Mbatesalonika 4:16

Gadia Ter iyol Na Una sen Sha sha ikenge i kaan, sha imo i ortyom u tamen, sha mkaa u ikpamkor i Aôndo, tsô mba ve kpe ken Kristu la vea vande nderen.

1 Mbatesalonika 4:18

Nahan yô, sur nen ayol a en asema sha akaaôron ne.

Yosua 4:7

Tsô né kaa a ve ner: Ka sha ci u i tôndo mngerem ma Yordan sha ishigh ki areki u ikuryan u TER; zum u a per Yordan la, i tôndo mngerem ma Yordan; awen ne kpaa aa hingir Mbaiserael ikav i umbur gbem sha won.

Yosua 6:4

Upristi utaankaruhar ve̱ tôô ikor i iyôngo i tôngon, ve̱ kar a mi sha hemen u areki; sha iyange i sha utaankaruhar la, ningir nen gar kwa taankaruhar, upristi mbala ve̱ tôngo ikor la.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.

1 Samuel 20:5

Tsô Davidi gema kaa a Yonatan er: Nenge, kper uwer u he ua due, man ka u me tema kwaghyan a tor kpee je; kpa dem, m̱ za, m̱ za yer ken toho zan zan iyange i sha utar, aikighe.