Numeri 1:53 - ICIGHAN BIBILO

⁵³ Kpa Mbalevi yô, ve̱ haa ve̱ kase tabernakel u shiada, sha er iyugh i̱ de hee sha mkohol u ior i Mbaiserael ga yô; Mbalevi ve̱ nengen sha tabernakel u shiada la.

Numeri 1:53 Iomraidhean Croise

1 Kroniku 23:32

man sha u ve̱ ver ishima sha tom u tenti u kohol ker, man tom u icighanjiir, man tom u wasen anmgbianev vev, ônov mba Aron, sha ci u tom u ken iyou i TER la.

2 Kroniku 13:10

Kpa se yô, TER, ka Aôndo wase, se undu Un ga, ônov mba Aron mba eren TER tom u pristi, man Mbalevi kpaa mba ken tom ve.

2 Kroniku 13:11

Hanma iyange pepe man aikighe ve nanden TER iniav mbi nanden man kwaghhumandoon, ve veren ubredi mba sha tebul u wang, ve tsaren daarimenger u zenaria a amenger a na a zer yeghen aikighe gbem, gadia se mba we iko sha imo i TER, Aôndo wase; kpa ne yô, ne undu Un.

Yeremia 23:15

Nahan yô, TER u akum a Sha ngu kaan sha kwagh u uprofeti nahan er: Nenge, Me na ve kon u yuwan, ve̱ ya, man shi Me na ve mngerem ma meghem, ve̱ ma; gadia ka ken uprofeti mba Yerusalem je u wan Aôndo iko ga a dugh a nyer ken tar la cii ye.

Yeremia 5:31

uprofeti mba ôron kwagh sha aie, upristi kpaa mba eren tahav sha ityesen ve, ior Av kpaa doo ve er i lu nahan; tsô nea er nan sha mkuru?

Levitiku 10:6

Mose gema kaa a Aron man ônov nav Eleasar man Itamar, er: De lu nen ityough meghaa ga, man de anden nen akondo a en kpaa ga, sha er né kpe ga, man A̱ de yugh ior cii kpaa ga yô; kpa anmgbianev enev, ya u Iserael cii yô, ve̱ gba vaan usu u TER A nande la tsô.

Numeri 1:50

kpa ver Mbalevi ve̱ nengen sha tabernakel u shiada man sha ikav nav cii, kua sha hanma kwagh u a lu u na kpaa; ka ve vea tôôn tabernakel a ikav nav cii, man ka ve vea eren tom na kpaa, shi vea haan afo a ve, vea kasen tabernakel ye.

Numeri 1:54

Kape Mbaiserael er je la; er TER kaa Mose nahan cii, kape ve er la.

Numeri 16:46

Mose kaa a Aron er: Tôô gbande wou u kwaghhumandoon, dugh usu ken atse a nanden nagh sha mi, wa shimi, haa kwaghhumandoon sha mi, tôô fese za a mi hen ior, za na iwom sha ci ve; gadia TER ngu yuwen, bouange kpaa hii ve.

Numeri 16:9

Er Aôndo u Iserael A tsough ne ken ior mba Iserael sha u Una kporom a ven her a Na sha u né eren tom u tabernakel u TER, man né tilen sha ishigh ki iorough né eren ve tom,

Numeri 17:7

Mose ver igbough mbila sha ishigh ki TER ken tenti u shiada.

Numeri 2:17

Tsô tenti u kohol ker la una mough, afo a Mbalevi a̱ lu hen atô u afo agen; er ve hee la, kape ve̱ moughon kpaa la, hanma or sha ijiir i nan, hen tuta ve.

Numeri 3:23

Uipaven mba Mbagershon yô, ve̱ haan afo ken ijime i tabernakel vegher u shin ityôtar la.

Numeri 3:29

Uipaven mba ônov mba Kohati ve̱ haan afo hen kpe tabernakel vegher u ken imbusutariyan la.

Numeri 3:35

Orhemenegh u hen ya u ter, u uipaven mba Merari yô, lu Suriel wan u Abihail; ve̱ haan afo hen kpe tabernakel vegher u ken imbusutarimese la.

Numeri 3:38

Mba ve̱ haan afo sha ishigh ki tabernakel vegher u sha ityoughkitaregh, sha ishigh ki tenti u kohol ker la, sha vegher u iyange i dugh la yô, lu Mose man Aron a ônov nav, mba ve eren tom u ken icighanjiir la, ka tom u i eren Mbaiserael je la; or u ken inya u nana kporom her yô, i̱ wua nan.

Numeri 31:30

Ken kwar u Mbaiserael la yô, ngohol môm u i tsough ken hanma akunduahargber, u ior man u ibua man u ujaki man u iyôngo, uzendenya cii, gema na Mbalevi, mba ve eren tom ken tabernakel u TER la.

Numeri 31:47

ken kwar u Mbaiserael la yô, Mose ngohol môm u i tsough ken hanma akunduahargber, u ior man u uzendenya la, na Mbalevi, mba ve eren tom u tabernakel u TER, er TER kaa Mose nahan.

Numeri 8:19

M tsuwa Mbalevi ken Mbaiserael M gema ve M na Aron a ônov nav, ve̱ eren tom u Mbaiserael ken tenti u kohol ker la, shi ve̱ naan iwom sha ci u Mbaiserael, sha er bouange a̱ de luun ken Mbaiserael, sha mkporom u Mbaiserael vea kporom hen icighanjiir la ga.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:2

mer, yôô kwaghôron Na wa iyol sha mi keghen a kegh, a lu sha ian i doon, shin a lu sha ian i doon ga kpaa, kôôm, yangen, waan kwagh, sha ishima i wan tsung man sha ityesen kpaa.

1 Samuel 6:19

Tsô A wua ior mba Bete-Shemeshi sha ci u ve kenger areki u TER yô; A wua ior akunduatargber, ior akunduahargber sha dubu; nahan ior zungwe sha ci u TER A woo ior kpishi yum yô.