Numeri 1:46 - ICIGHAN BIBILO

⁴⁶ mba i ôr iyenge ve cii, ve lu ior dubu deri ataratar dubu kar utar man deri utaan man akunduahargber.

Numeri 1:46 Iomraidhean Croise

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

Genese 15:5

Maa A due a na ken won, A kaa er: Kende ashe sha yôô, ôr iyenge i asan, aluer wea fatyô u ôron yô; shi A kaa a na er: Kape tsombor wou ua lu je la.

Genese 17:6

Man shi Me er u, ú ngee a ônov kpishi, ú va hingir akuraior je, utor kpaa vea due ken a we.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

2 Samuel 24:9

Nahan Yoabi na tor iyenge i ior mba i ôr ve la; ken Iserael yô, mbanôngontyav lu dubu deri anigheni mba tsuwan sanker; man ior mba Yuda yô, lu dubu deri utaan je.

1 Utor 4:20

Yuda man Iserael ve ngee kpishi er waarawa hen kpe u zegemnger nahan, ve lu yan akaa, man akaa, ve lu yagh yagh.

1 Kroniku 21:5

Nahan Yoabi va na Davidi iyenge i ior mba i ôr ve la; kohol nomsombaiorov mba Iserael mba tsuwan sanker cii, lu dubu deri pue kar môm; man Yuda yô, lu dubu deri unyiin man akunduatargber, mbatsuwan sanker.

2 Kroniku 13:3

Abiya hii ityav a akum a anomaior a utya, lu uicuwanmbaiorov dubu deri unyiin; Yerobiam di ver uicuwanmbaiorov dubu deri anigheni er ve̱ nôngo ityav a na, lu anomaior a ageegh je.

Ekesodu 12:37

Tsô Mbaiserael mough hen Ramese gba yemen hen Sukoti; ior lu er dubu deri ataratar nahan, ve lu zan angahar, nomso tseegh; i wa mbayev ker ga.

Ekesodu 38:26

beka môm, ka vegher u shekel je la, lu shekel u icighanjiir, sha ci u hanma or u nan kar nan za kohol mba i er iyenge ve la, hii sha mba ve kom anyom ikundu man mba ve hembe nahan kpaa, nahan ka ior dubu deri ataratar man dubu utar man deri utaan man akunduahargber.

Numeri 1:45

Nahan ônov mba Iserael mba i ôr iyenge ve cii, sha uya mba uter vev, hii sha mba ve kom anyom ikundu man mba ve hembe nahan, mba ken Iserael mba vea fatyô u zan ityav cii,

Numeri 11:21

Mose kaa er: Ior mba m lu a ve, ka ior dubu deri ataratar je, mba zan angahar, man U kaa Wer: Ne na ve inyam ve̱ ya uwer môm jimin.

Numeri 14:29

akom a en aa saa ken desereti ne; mba i er iyenge ve cii, iyenge yen la ci ca cii, hii sha mba ve kom anyom ikundu man mba ve hembe nahan, mba ve zem ivever iyol ne,

Numeri 2:32

Ka Mbaiserael mba i ôr iyenge ve sha uya mba uter vev je ne; mba ken afo, sha akum a ve cii mba i ôr iyenge ve yô, lu ior dubu deri ataratar, dubu kar utar man deri utaan man akunduahargber.

Numeri 23:10

Ka an nana fatyô u ôron iyenge i vuulevu u Yakob, shin iyenge i umôm-ken-unyiin u Iseraela? Ma m kpe ku u orperapera, mkur wam ma a lu er u na nahan!

Numeri 26:51

Ka ônov mba Iserael mba i er iyenge ve je ne; lu ior dubu deri ataratar dubu kar môm man deri utaankaruhar man ikundugber.

Duteronomi 10:22

Uter ou yan yem ken Igipiti, lu ior akunduatargber tsô; ahegen yô, TER, Aôndo wou, gema u u ngee, iyenge you hingir er asan a Sha nahan.