Numeri 1:4 - ICIGHAN BIBILO

⁴ Ken hanma kwe á tsuwa or môm môm, ve̱ lu a ven imôngo, or u nan lu orhemenegh hen ya u uter mba nan la.

Numeri 1:4 Iomraidhean Croise

1 Utor 8:1

Tsô Solomon lôhô mbatamen mba Iserael man mbavesen mba sha ikwe cii kua mbahemenev mba sha uipaven mba Mbaiserael; ve va kohol hen tor Solomon hen Yerusalem, sha u za tôôn areki u ikuryan u TER hen gar u Davidi, ka Shion je la.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 18:25

Mose sange ior mba fan kwagh ken Iserael cii, ver ve, ve̱ lu uityombaiorov sha ior, ve̱ lu mbavesen sha ior dubu dubu, man sha ior deri deri man sha ior akunduahargber akunduahargber man sha ior pue pue kpaa.

Numeri 1:16

Ka mba i tsuwa ve ken ior je ne, ka mbahemenev mba sha ikwe i uter vev, ka uityombaiorov mba sha uipaven mba Iserael.

Numeri 1:44

Ka mba i ôr iyenge ve je la; lu Mose man Aron kua mbahemenev mba Iserael mba pue kar uhar mbala ve ôr iyenge ve ye; hanmô ve va sha ci u ya u ter u nan.

Numeri 17:3

Nger iti i Aron sha gbough ku Levi; gadia gbough môm ku̱ lu sha ci u orhemen u kwe ve.

Numeri 25:14

Iti i Oriserael u i wua un a kwase u Midian la er, Shimeri wan u Salu, lu orhemen u hen ya u ter na ken nongo u Shimeon.

Numeri 25:4

TER kaa a Mose er: Kôr mbahemenev mba ior mbala cii, sende ve ken oo sha ci u TER, sha er ishima i nyoon i TER i tsung la i̱ hide ijime hen Iserael yô.

Numeri 30:1

Mose ôr kwagh a mbavesen mba sha ikwe i Mbaiserael, a kaa er: TER ngu kaan nahan er:

Numeri 4:34

Tsô Mose man Aron kua mbahemenev mba mkohol u ior, ve ôr iyenge i ônov mba Kohati sha uipaven vev, sha uya mba uter vev,

Numeri 7:2

mbahemenev mba Iserael, uityombaiorov, mba sha uya mba uter vev, va na nagh; ka mba ve lu mbahemenev sha ikwe, mba ve lu nengen sha mba i ôr iyenge ve la;

Duteronomi 1:15

Tsô m tsuwa mbahemenev mba sha ikwe yen, ior mba fan kwagh, mba i fe ve yô, m ver ve, ve lu mbahemenev enev, ka ukur mba ve lu a ior dubu dubu sha ikev, man ukur mba ve lu a ior deri deri, man ukur mba ve lu a ior akunduahargber akunduahargber, man ukur mba ve lu a ior pue pue, kua mbavesen mba sha ikwe yen.

Yosua 22:14

a atiator pue a na imôngo, ititor i môm sha hanma kwe u Iserael; hanmô ve lu orhemen ken ya u ter ken uipaven mba Iserael.