Numeri 1:3 - ICIGHAN BIBILO

³ i̱ hii sha mba ve kom anyom ikundu man mba ve hembe nahan, hanma or u ken Iserael u nan kom u zan ityav yô; we kua Aron, ôr nen iyenge ve sha akum akum.

Numeri 1:3 Iomraidhean Croise

2 Samuel 24:9

Nahan Yoabi na tor iyenge i ior mba i ôr ve la; ken Iserael yô, mbanôngontyav lu dubu deri anigheni mba tsuwan sanker; man ior mba Yuda yô, lu dubu deri utaan je.

1 Kroniku 5:18

Ônov mba Ruben man Mbagadi man vegherkwe u Manase, anomaior a a tôôn perutya man sanker, man mbakerenavaan, mbafantyav yô, ve lu ior dubu akunduahar kar unyiin man deri utaankaruhar man akunduatar, ka mba ve zaan ityav je la.

2 Kroniku 25:5

Tsô Amashia kohol Yuda, ver ve sha uya mba uter vev, sha ikev i mbahemenev mba lun a ior dubu dubu sha ikev man mbahemenev mba ve lu a ior deri deri sha ikev, ka Yuda cii kua Benyamin je la; a ôr iyenge ve hii sha mba ve kom anyom ikundu man mba ve hembe nahan, a zua a ior dubu deri utar, lu uicuwanmbaiorov, mba ve kuma u zan ityav, mbafan awange man iperutya.

Ekesodu 12:17

Yô, waan nen iniongo i bredi u i we kwa sha mi ga la iko, gadia ka sha iyange la je, M due a akum a en ken tar u Igipiti kera; ka nahan man né waan iyange ne iko sha ikov ikov je, á hingir ne tindi u eren nahan gbem sha won ye.

Ekesodu 30:14

Hanma or u nan kar nana za kohol mba i er ve la yô, hii sha u nan lu anyom ikundu man u nan hembe nahan, nana̱ na nagh ku TER kura.

Ekesodu 38:26

beka môm, ka vegher u shekel je la, lu shekel u icighanjiir, sha ci u hanma or u nan kar nan za kohol mba i er iyenge ve la, hii sha mba ve kom anyom ikundu man mba ve hembe nahan kpaa, nahan ka ior dubu deri ataratar man dubu utar man deri utaan man akunduahargber.

Numeri 14:29

akom a en aa saa ken desereti ne; mba i er iyenge ve cii, iyenge yen la ci ca cii, hii sha mba ve kom anyom ikundu man mba ve hembe nahan, mba ve zem ivever iyol ne,

Numeri 26:2

Ôr iyenge i ior i Mbaiserael cii, hii sha mba ve kom anyom ikundu man mba ve hembe nahan, sha uya mba uter vev, hanma or u Iserael u nan kom u zan ityav yô.

Numeri 3:15

Ôr iyenge i ônov mba Levi, sha uya mba uter vev, sha uipaven vev; hanma nomsoor, hii sha mba ve kom uwer môm man mba ve hembe nahan; ka ve, ôr ve ye.

Numeri 32:11

Mba ve dugh ken Igipiti ne, mô ve môm u nan kom anyom ikundu man u nan hembe nahan yô, nana nenge tar u M bum a Aberaham man Isaka man Yakob la ashe je ga, sha er ve dondom sha ishima i môm ga yô,

Numeri 33:1

Ka myem u Mbaiserael lu haan afo yemen, zum u ve due ken tar u Igipiti akum akum sha ikev i Mose man Aron ne:

Numeri 4:3

hii sha mba ve kom anyom ikundugber man mba ve hembe nahan, za kighir sha mba ve kom anyom akunduahargber, mba ve nyôron tom la cii, sha u eren tom u tenti u kohol ker la.

Duteronomi 24:5

Aluer or á er kwase u he yô, nana̱ de ze ityav ga, man i̱ de naan nan ma kwagh u eren kpaa ga; nana̱ gba teman a ne nagh hen ya u nan inyom i môm, nana̱ na kwase u nan er la, iember ken ishima.

Duteronomi 3:18

Hen shighe la, m wa ne tindi, mer: TER, Aôndo wen na ne tar ne sha u ne̱ ngohol u; kange nen iyol i utya, per hemen nen anmgbianev enev, Mbaiserael, ne anomaior cii;