Nehemia 9:7 - ICIGHAN BIBILO

⁷ We U ngu TER, Aôndo u U tsough Aberam, U dugh a na ken Ur u Mbakaldi man U ii un iti Wer Aberaham.

Nehemia 9:7 Iomraidhean Croise

Genese 11:31

Tsô Tera kua a wan na Aberam man Loti, wan u wan na Haran, kua Sarai, kwase u wan na Aberam, a mough a ve ken Ur u Mbakaldi, ve gba yemen ken tar u Kanaan; mba za ar hen Haran yô, ve tema heregh.

Genese 15:7

Shi TER kaa a na er: Ka Mo TER u M dugh a we ken Ur u Mbakaldi sha u nan we tar ne u̱ ya dyako u u yô.

Genese 17:5

A kera yilan iti you er Aberam ga, kpa á gema iti you er Aberaham; gadia M gema u, u hingir ter u akuraior kpishi.

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

1 Kroniku 1:27

Aberam, ka Aberaham je la.

Yesaia 51:2

Nenge nen sha Aberaham ter wen kua Sara u a mar ne la, gadia zum u a lu tswen la, M yila un, M ver un doo doo, M ser un iyenge.

Duteronomi 10:15

Gema ka uter ou, TER A pende ishima sha ve ye, ve doo Un ishima; ken akuraior cii, ka tsombor ve ken ijime ve A tsuwa u ye, ka ne je ne, er i lu nyian nahan.