Nehemia 9:35 - ICIGHAN BIBILO

³⁵ Gadia ve civir We ken tar ve ga, man sha iveren You i vesen i U ver ve a mi la kpaa ga, man ken tar u vesen u doon sule u U na ve la kpaa ga, man shi ve gema ishima, ve undu aeren a ve a bo kpaa ga.

Nehemia 9:35 Iomraidhean Croise

Nehemia 9:25

Ve ngohol agar a lun a ugil kua tar u doon iyiagh, ve ngohol uya mba mgboughon a akaa a dedoo man azôr a ombon mngerem shimi a i time a shin avande man ishule i ikon i wain man ishule i olev kua ikon ngôgh i umen atam; ve ya kwagh kuma ve, ve kehe, kpe ve iyol sha iveren You i vesen.

Nehemia 9:34

utor asev man atiator a ase man upristi asev kua uter asev kpaa, ve wa atindi a Ou iko ga, ve ver ato sha atindi a Ou kua mbampase Ou kpaa ga, mba U we ve kwagh sha mi la.

Yesaia 63:7

Me ter uerdoo mba TER, aeren a TER a a kom iwuese la, akaa a TER A er se cii yô, man mdoom ma vesen ma sha ya u Iserael ma A er ve sha mhôônom Nam ma zungwen man sha mngee u uerdoo Nav.

Yeremia 5:19

Tsô zum u ne kaa ner: Ka sha ci u nyi TER, Aôndo wase, A er se akaa angan ciili? Nahan u kaa a ve wer: Er ne tem kera, man ne er mbaaôndo mbagenev tom ken tar wen yô, kape nea er ior mbagenev tom ken tar ugen u u lu u wen ga la.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Duteronomi 28:47

Er u kera civir TER, Aôndo wou, a ishima i iember man i saan saan ga, sha ci u, u ngee a akaa yum yô,

Duteronomi 28:48

nahan ú er mbaihomov ou mba TER Una tindi ve hen we tom u kpan a ijen man imura man idyelegh man mban u akaa cii; Una penda u igbur i iyô sha mon, zan zan Una tim u.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.