Nehemia 9:34 - ICIGHAN BIBILO

³⁴ utor asev man atiator a ase man upristi asev kua uter asev kpaa, ve wa atindi a Ou iko ga, ve ver ato sha atindi a Ou kua mbampase Ou kpaa ga, mba U we ve kwagh sha mi la.

Nehemia 9:34 Iomraidhean Croise

2 Utor 17:13

Kpa TER pase Iserael kua Yuda sha hanma profeti man hanma ornengenakaa er: Gema nen, undu nen aferakaa a en, waan nen atindi a Am man akaawan a Am iko sha gbenda u atindiakaa cii a M wa uter enev man shi a M tindi ne a mi sha ikev i mbayev Av, uprofeti la.

2 Utor 17:15

Ve venda akaawan a Na man ikuryan Na i A ya a uter vev kua mbampase Nav mba A pase ve kpaa; ve gema, ve dondo akaagbilinigh zan zan ve hingir dang, ve dondo akuraior a a kase ve la, a TER wa ve tindi sha kwagh ve er, ve̱ de eren er ve nahan ga la.

2 Kroniku 29:6

Gadia uter asev per atindi, ve er aferakaa sha ishigh ki TER, Aôndo wase, ve ta Un kera, ve gema ishiv vev hen ijiir i TER teman la kera, ve na ajime her.

Esera 9:10

Hegen yô, ken ijime i akaa ne shi sé kaa nana, Aôndo wase? Gadia se undu atindi a Ou,

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Nehemia 9:33

Nahan kpaa U ngu a ishô sha akaa a a tser se la cii; gadia U er ieren i mimi, kpa se yô, se er ifer;

Nehemia 9:35

Gadia ve civir We ken tar ve ga, man sha iveren You i vesen i U ver ve a mi la kpaa ga, man ken tar u vesen u doon sule u U na ve la kpaa ga, man shi ve gema ishima, ve undu aeren a ve a bo kpaa ga.

Yeremia 29:19

er ve ver ato sha akaaôron Am ga yô, kape TER A kaa ne,

Yeremia 44:17

Kpa se yô, hanma kwaghôron u a dugh se ken zwa yô, sé er un kpee je, sé nanden torkwase u Sha nagh, shi sé toon un iniav mbi man er se vande eren nahan, se kua uter asev man utor asev kua mbatarev asev, ken agar a Yuda man sha igbenda i Yerusalem; gadia hen shighe la se lu a kwaghyan kpishi man se lu doo doo, se nenge kwaghbo ashe ga.

Yeremia 44:4

Nahan kpaa M tindi ne a mbatomov Av cii, uprofeti, pepe kua aikighe Mer: Shi de eren nen kwagh u ndôhôrshima ne, u uma Wam a nyagh un la ga.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 9:6

se ver ato sha mbatomov Ou uprofeti kpaa ga, mba ve lu ôron kwagh ken iti You a utor asev man mbatarev asev man uter asev kua ior i tar la cii.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.