Nehemia 9:32 - ICIGHAN BIBILO

³² Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Nehemia 9:32 Iomraidhean Croise

1 Utor 8:23

a kaa er: TERE, Aôndo u Iserael, ma Aôndo ugen ngu er We nahan ga, Sha kpaa ga, shin tar kpaa ga, We, u U we iko sha ikuryan man U ver ishima sha erdoo a mbayev Ou, mba ve zenden sha ishigh You a ishima i môm yô;

2 Utor 15:19

Pul tor u Ashiria va ityav hen tar la; nahan Menahem na Pul azurfa utalenti dubu, sha er uwegh nagh ku̱ lu a na imôngo sha u taver tor sha ikev na yô.

2 Utor 15:29

Sha ayange a Peka tor u Iserael la, Tigelati-pileser tor u Ashiria va, va ngohol Iyon man Abel-bete-maaka man Yanoa man Kedeshi man Hasor man Gileadi kua Galilia, ka tar u Nafetali cii je la; a kura ve a yem a mi uikangen ken Ashiria.

2 Utor 17:23

zan zan TER kar a Iserael sha ishigh Nagh kera, er lu kaa mbayev Nav uprofeti ve gema ve ôr yô; ka nahan man i dugh Iserael ken tar na kera, i yem a ve ken Ashiria uikangen zan zan nyian ye.

2 Utor 17:3

Shalmaneser tor u Ashiria va nôngo ityav a na; tsô Hoshea gema hingir wanye na, gba tan un kpandegh.

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

2 Utor 23:29

Sha ayange na la, Farao-neko tor u Igipiti kôndo sha u za nôngon ityav a tor u Ashiria hen ifi u Uferati; tsô tor Yoshia za nôngo ityav a na, kpa a wua un hen Megido zum u a nenge a na yô.

2 Utor 25:7

Ve wua ônov mba Sedekia mba nomso sha ashe na je, man shi ve ongor Sedekia ashe, ve kange un sha mshir, ve yem a na ken Babilon.

Esera 4:10

kua akuraior agen a Osenapar, orcivirigh la, va a ve uikangen, va ver ve ken gar u Samaria, kua ken tar u yande Ifi la.

Esera 4:2

ve va hen Serubabel man hen mbavesen mba sha uya mba uter kpaa, ve kaa a ve er: Se kpaa ma se maa a ven imôngo, gadia se mba keren Aôndo wen, er ne kpaa ne eren nahan, se mba nan Un nagh hii sha ayange a Esar-hadon tor u Ashiria va a vese heen la je.

Esera 9:13

Man ahegen ken masejime u akaa a a tser se cii, sha ci u ityom yase i ifer man zegeibo wase ne kpaa, Aôndo wase, U tsaha se sha mngee u afer a ase la ga, shi U na se asande ne kpaa,

Nehemia 1:5

m kaa mer: TERE, Aôndo u Sha, Aôndo u hemban, u cier iyol, u wan ikuryan iko man erdoo a mba A doo ve ishima man ve we atindi Na iko yô.

Upasalmi 47:2

Gadia TER Uhembansha cier iyol kpekpe, ka zegetor sha won cii.

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Upasalmi 66:5

Va, va nenge ityom i Aôndo u aeren a Na a ônov mba iorov a cier iyol yum ne:

Ekesodu 18:8

Mose ôr ter na kem akaa cii, a TER A er a Farao man Mbaigipiti sha ci u Iserael yô, man shi atsan a a tser ve sha gbenda cii, kua myem u TER yima ve kpaa.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Daniel 9:6

se ver ato sha mbatomov Ou uprofeti kpaa ga, mba ve lu ôron kwagh ken iti You a utor asev man mbatarev asev man uter asev kua ior i tar la cii.

Daniel 9:8

Ka hen vese, TERE, ahenge a van a lu ye, hen utor asev man hen atiator a ase man hen uter asev, sha ci u se er U isholibo yô.

Levitiku 26:18

Aluer nahan kpaa shi ne ver ato hen a Mo ga yô, Me seer tsahan ne kwa taankaruhar sha ci u asorabo a en.

Levitiku 26:21

Aluer nea hendan a Mo, né kera rumun u veren ato hen Mo je ga yô, Me seer tsahan ne kwa taankaruhar sha asorabo a en.

Levitiku 26:24

Mo Me hendan a ven, Mo Me tsaha ne kwa taankaruhar sha ci u asorabo a en.

Levitiku 26:28

Mo Me henda a ven sha ishima i nyoon je, Mo Me tsaha ne kwa taankaruhar sha ci u asorabo a en.

Duteronomi 7:12

Nahan er ne ver ato sha akaaôron a jirigh ne man ne we iko u eren sha a kpaa yô, TER, Aôndo wou kpaa, Una waan iko sha ikuryan man erdoo a we er A bum a uter ou la;

Duteronomi 7:13

ú doo Un ishima, Una ver u doo doo, Una seer we iyenge, man shi Una ver tse wou doo doo kua iyiagh ki hen tar wou, alakema wou man wain wou, man mkurem ou, mmar u abua a ou, man ônov mba iyôngov ou, ken tar u A bum a uter ou, er Una na u la.

Duteronomi 7:21

Ishima i̱ de te u kwe sha ci ve ga; gadia TER, Aôndo wou, ngu u hen atô, ka Aôndo u hemban man u cier iyol.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,