Nehemia 9:31 - ICIGHAN BIBILO

³¹ Nahan kpaa sha mhôônom Ou ma zungwen yum la, U tim ve ci ca ga, man shi U undu ve kera ga; gadia U ngu Aôndo u mgboughon a mrumun u sha mhôôn man mhôônom ma zungwen.

Nehemia 9:31 Iomraidhean Croise

2 Utor 13:23

Kpa TER er a ve dedoo, zungwe ve mhôônom, A umbur ve sha ci u ikuryan Na i A ya a Aberaham man Isaka kua Yakob la, nahan A rumun u timin ve ga, man shi lu a ta ve kera sha ishigh Nagh ga, zan zan hegen.

2 Kroniku 30:9

Gadia aluer shi nea gema hen TER yô, anmgbianev enev kua ônov enev vea zua a mhôônom ma zungwen hen mba ve yem a ve uikangen la, shi vea hide hen tar ne je, gadia TER, Aôndo wen, ngu a erdoo, man shi zungu mhôônom kpaa, man Una gema ishigh Nagh her a ven kera ga, aluer né gema ishima né hire her a Na yô.

Nehemia 9:17

ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Nehemia 9:19

nahan kpaa sha mhôônom Ou ma zungwen kpishi yô, U undu ve ken desereti ga; ityôgh ki ibeenegh kpaa kar sha ityouv vev kera ga, sha u hemen ve gbenda atetan, man ityôgh ki usugh kpaa kar kera ga, sha u tesen ve iwanger man gbenda u vea zaan a mi tugh yô.

Yesaia 48:9

Sha ci u iti Yam yô, Me ngôôr a iyugh Yam, sha ci u iwuese Yam yô, Me wa ishima a we, Me tim u ga.

Yeremia 4:27

Gadia TER ngu kaan nahan er: Á vihi tar cii kera ua hingir atse; nahan kpaa Me kera tim u Me bee ga.

Yeremia 5:10

Unde nen sha ukpekpe nav, tim kera; kpa de kera been nen cica ga; paa agbaa a na, gadia ka a TER ga.

Yeremia 5:18

Kpa sha ayange shon la kpaa, Me bee ne cii ga, kape TER A kaa ne.

Ukwelegh 3:22

Ka sha erdoo u TER man i tim se ga ye, sha ci u mhôônom Nam ma zungwen ma been mayange ga,

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Duteronomi 4:31

gadia TER, Aôndo wou, ka Aôndo u zungwen mhôônom je; Una kende u ga, shi Una tim u kpaa ga, man ikuryan i A ye a uter ou la kpaa ia hungul Un ga.