Nehemia 9:30 - ICIGHAN BIBILO

³⁰ Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Nehemia 9:30 Iomraidhean Croise

2 Utor 18:11

Nahan tor u Ashiria kura Iserael yem a mi ken Ashiria, za ver ve ken Hala, man hen kpe u Habor, ifi u ken Gosan, man ken agar a Mbamede la,

2 Utor 21:10

Tsô uprofeti, mbayev mba TER or kwagh sha zwa Na kaa er:

2 Kroniku 24:19

Nahan kpaa, A tindi uprofeti hen a ve er ve̱ hide a ve hen TER; ve wa ve kwagh, kpa ve ver ato ga.

Esera 9:10

Hegen yô, ken ijime i akaa ne shi sé kaa nana, Aôndo wase? Gadia se undu atindi a Ou,

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 95:10

Anyom akunduahar je ishima lu vihin Mo a kov la, M kaa Mer, ka ior mba tsumen ken asema a ve, man ve fa igbenda Yam kpaa ga.

Yesaia 28:10

Gadia ka tindi sha tindi, tindi sha tindi, icin i tan sha icin tan, icin i tan sha icin i tan, heen kpeghee, keela kpaa kpeghee.

Yesaia 42:24

Ka an nan ne Yakob a hingir ishar, man nan ne Iserael sha ikev i mbanumungbenda? Kera ka TER, u se er Un isholibo la gaa? Un u ve venda u zenden sha igbenda Na, ve hemba ato sha ityesen Na kpaa.

Yesaia 48:9

Sha ci u iti Yam yô, Me ngôôr a iyugh Yam, sha ci u iwuese Yam yô, Me wa ishima a we, Me tim u ga.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Yeremia 25:4

TER kpaa tindi ne a mbatomov Nav cii, uprofeti, pepe kua aikighe; kpa ne wa iko ga, ato tsô kpaa ne ver sha u ungwan ga;

Yeremia 44:22

Zan zan TER kera fatyô u wan ishima ga, sha ci u iferkwagh i aeren a en, man sha ci u akaa a ndôhôrshima a ne er la; ka sha ci u nahan tar wen hingir ice, man kwagh u cieryol man kwagh u ityuhwanev, or kera tema ker ga ye, er i lu nyian nahan.

Yeremia 44:4

Nahan kpaa M tindi ne a mbatomov Av cii, uprofeti, pepe kua aikighe Mer: Shi de eren nen kwagh u ndôhôrshima ne, u uma Wam a nyagh un la ga.

Yeremia 44:5

Kpa ve wa iko ga, man shi ve ver ato sha u geman undun iferkwagh ve, er vea de u nanden mbaaôndo mbagenev nagh la ga.

Yeremia 7:25

Hii sha iyange i uter enev due ken tar u Igipiti la je, zan zan nyian, M lu tindin ne a mbatomov Av, uprofeti cii, ayange ayange, pepe kua aikighe kpaa;

Ukwelegh 2:17

TER er kwagh u lu wa ishima la; A kure kwaghôron Na u A kaa ayange a tsuaa la yô, A yôhôl, A zungwe mhôônom ga; A na orihom a ember sha a we, A kende korough ku mbaahendanev ou sha.

Daniel 9:6

se ver ato sha mbatomov Ou uprofeti kpaa ga, mba ve lu ôron kwagh ken iti You a utor asev man mbatarev asev man uter asev kua ior i tar la cii.

Sekaria 7:12

Een, ve er asema a ve taver er ka iwen i diamondi yô, sha u vea ungwa atindiakaa man akaaôron ga yô, a TER u akum a Sha A tindi sha Jijingi Na sha ikev i uprofeti mba tsuaa mbala; nahan iyugh i vesen i due hen TER u akum a Sha.

Sekaria 7:13

Yô, er Un A yila man ve rumun u ungwan ga, nahan kape ve kpaa vea yila, kpa Me ungwa ga la, kape TER u akum a Sha A kaa ne;

Numeri 11:26

Kpa ior uhar shi ken afo, u môm iti na er Eldadi, ugen iti na er Medadi, Jijingi sen tema sha a ve; ve kpaa i nger ve ati a mbala imôngo, kpa ve za hen tenti ga; nahan ve gba ôron kwagh hen afo er uprofeti nahan.

Aerenakaa A Mbaapostoli 13:18

A lu wan ishima a aeren a ve ken taaikôngo kuma er anyom akunduahar nahan.

Aerenakaa A Mbaapostoli 28:25

Tsô mba kera zough ayol a ve ga yô, ve hembe, zum u Paulu mase ôron kwagh môm tsô, er: Ka vough je Icighan Jijingi lu kaa a uter enev sha kwaghôron u profeti Yesaia la, ye

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

1 Peteru 1:11

Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mi zum u A tsengapasen atsan a Kristu man iengem i ia dondo sha mi la.

2 Peteru 1:21

Gadia mayange ma kwaghôron u profeti due sha awashima u or ga, kpa Icighan Jijingi mgbegha ior man ve ôr kwagh u Aôndo ye.

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.