Nehemia 9:29 - ICIGHAN BIBILO

²⁹ shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Nehemia 9:29 Iomraidhean Croise

2 Utor 17:13

Kpa TER pase Iserael kua Yuda sha hanma profeti man hanma ornengenakaa er: Gema nen, undu nen aferakaa a en, waan nen atindi a Am man akaawan a Am iko sha gbenda u atindiakaa cii a M wa uter enev man shi a M tindi ne a mi sha ikev i mbayev Av, uprofeti la.

2 Utor 17:14

Nahan kpaa, ve venda u ungwan, ve nômbo ikôr, er uter vev mba ve na TER, Aôndo ve, jighjigh ga la nahan.

2 Kroniku 24:19

Nahan kpaa, A tindi uprofeti hen a ve er ve̱ hide a ve hen TER; ve wa ve kwagh, kpa ve ver ato ga.

2 Kroniku 33:10

Tsô TER ôr kwagh a Manase kua a ior nav, kpa ve ver ato ga.

2 Kroniku 36:15

Tsô TER, Aôndo u uter vev, tindi mbatyomov Nav her a ve tugh man tetan sha u wan ve kwagh, sha ci u mhôônom lu kôron Un a ior Nav kua ijiir Na i teman kpaa yô;

Nehemia 13:15

Sha ayange la je, m nenge ior mbagenev ken Yuda mba ve lu shoghol atam a wain ken ahungwa sha iyange i memen, shi ve lu nyôron a aile a alakema ve penda a sha ujaki, kua wain man atam a wain man a tur man hanma injauika kpaa, ve va a mi ken Yerusalem sha iyange i memen; nahan m pase ve ibo ve sha iyange i ve lu teen kwaghyan la.

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Nehemia 9:16

Kpa ve, uter asev, ve er kwagh sha imanger, ve nômbo ikôr, ve ver ato sha atindi a Ou ga,

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Yeremia 17:23

Kpa ve wa iko ga, man shi ve ver ato kpaa ga, ve nômbo ikôr ve her, sha u vea ungwa ga, man sha u vea ngohol ityesen kpaa ga yô.

Yeremia 19:15

TER u akum a Sha, Aôndo u Iserael, ngu kaan nahan er: Nenge, Me va a kwaghbo sha gar ne kua angarev nav cii, u M ter sha a ve la cii; sha ci u ve nembe ikôr, ve kera ongo akaaôron Am ga yô.

Yeremia 42:19

TER ôr kwagh a ven ve, ne asande a Yuda a a shi her ne: De ze nen ken Igipiti ga; fa nen doo doo, m wa ne kwagh nyian ve,

Yeremia 43:2

nahan Asaria wan u Hoshaia man Yohanan wan u Karea man ior mba kehen ityough cii, ve ôr kwagh, ve kaa a Yeremia er: Ka aie u eren ye; TER, Aôndo wase, tindi u sha u kaan er: De ze nen ken Igipiti sha u za teman shir ker ga, ze;

Yeremia 44:10

Zan zan nyian je mba a var inya ga, man shi mba cian ga, man mba zenden sha atindiakaa a Am kua akaawan a Am kpaa ga, a M ver ne kua uter enev sha ishi la.

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Esekiel 20:11

M na ve akaawan a Am man M tese ve akaaôron a Am a jirigh, a or nana er sha mi man nana lu uma yô.

Daniel 5:20

Kpa zum u a hii u moron iyol yô, man jijingi na kpaa cighir zan zan a hingir u eren kwagh sha ihagh yô, i dugh un sha ikônough nagh ki torough kera, man icivir na kpaa i ngohol i kera;

Hosea 6:5

Ka sha ci u nahan, M gber ve sha uprofeti ye; M wua ve sha mkaanem ma ken zwa Wam; ajiraôron a i ôr u yô, due fele er ka iwanger yô.

Levitiku 18:5

Yô, waan nen akaawan a Am man akaaôron a Am a jirigh iko, a or á er sha mi yô, nana lu uma sha a; ka Mo TER.

Mateu 19:17

A kaa a na er: Ka nyi u pinim sha kwagh u a lu u dedoo? U A lu u dedoo yô, ngu môm tsô. Kpa á sar u ka nyôron ken uma yô, kura atindiakaa.

Luka 10:28

A kaa a na er: U kaa vough; er nahan, tsô ú lu uma.

Mbaromanu 10:5

Mose nger er: Or u nan eren perapera u sha atindi la yô, nana lu uma sha mi.

Mbagalatia 3:12

Tindi yô, suur sha jighjigh u nan ga, kpa or u nana eren akaa ne yô, nana lu uma sha mi.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Duteronomi 31:27

Gadia mo m fa ihembeato you man ikôrnômbon you; nyian er m lu uma a ven imôngo ne kpaa ne mba hendan a TER man gema shighe u me kpe keraa?

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.

Mbaajiriv 6:10

man M kaa a ven Mer: Ka Mo TER, Aôndo wen; de cie nen mbaaôndo mba Amor mba ne tem ken tar ve ne ga; kpa ne ver ato sha imo Yam ga.