Nehemia 9:27 - ICIGHAN BIBILO

²⁷ Nahan U na ve sha ikev i mbaihomov vev Wer, ve̱ er ve ican; kpa zum u ican er ve man ve vaa a We yô, U ungwa ve Sha; sha mhôônom Ou ma zungwen kpishi la, U na ve mbayiman, ve yima ve sha ikev i mbaihomov vev.

Nehemia 9:27 Iomraidhean Croise

2 Utor 13:5

(Tsô TER na Iserael oryiman, ve due sha ikev i Mbashiria kera, nahan Mbaiserael tema ken utenti vev er tsuaa nahan.

2 Utor 14:27

Man TER kaa er Una ese iti i Iserael sha won kera ga; nahan A yima ve sha uwegh ku Yerobiam wan u Yoashi.

2 Utor 17:20

Nahan TER venda tsombor u Iserael cii, A er ve ican, A na ve sha ikev i mbayanshar zan zan A zenda ve sha ishigh Nagh kera.

2 Utor 17:39

kpa ka TER, Aôndo wen, né cian Un ye; wen Una yima ne sha ikev i mbaihomov enev cii.

2 Kroniku 36:17

Nahan yô, A va ve a tor u Mbakaldi, a va wua ve mbayevikaior sha sanker, ken icighanjiir ve; mhôônom tsô kpa, kôr un a ma wanyekwaor ga, shin iniunkwase, shin tamenor, shin tseor u kumbur kumbur kpaa ga; A na ve sha ikev na cii.

Nehemia 9:19

nahan kpaa sha mhôônom Ou ma zungwen kpishi yô, U undu ve ken desereti ga; ityôgh ki ibeenegh kpaa kar sha ityouv vev kera ga, sha u hemen ve gbenda atetan, man ityôgh ki usugh kpaa kar kera ga, sha u tesen ve iwanger man gbenda u vea zaan a mi tugh yô.

Upasalmi 136:24

man A tsuwe se sha ikev i mbaahendanev asev, gadia erdoo Na ka u tsôron gbem sha won;

Levitiku 26:17

Me kera saan ishigh a ven ga, mbaihomov enev vea hemba ne; mbakôron ne ihom vea tema tor sha a ven; né gbaa yevese tsô, or kpaa nana zendan ne ga.

Obadia 1:21

Mbayiman vea unde sha uwo u Shion sha u ôron uwo u Isou ijir; nahan tartor ua hingir u TER.

Mbaajiriv 2:18

Zum u TER ver ve mbaajiriv yô, TER A lu a orjir la imôngo, A yima ve sha ikev i mbaihomov vev, sha ayange a orjir la cii; gadia mhôônom kôr TER a mtoghor ve u ve toghol sha ikev i mba zan ve iyol kua mba eren ve ican la.