Nehemia 9:25 - ICIGHAN BIBILO

²⁵ Ve ngohol agar a lun a ugil kua tar u doon iyiagh, ve ngohol uya mba mgboughon a akaa a dedoo man azôr a ombon mngerem shimi a i time a shin avande man ishule i ikon i wain man ishule i olev kua ikon ngôgh i umen atam; ve ya kwagh kuma ve, ve kehe, kpe ve iyol sha iveren You i vesen.

Nehemia 9:25 Iomraidhean Croise

1 Utor 14:9

kpa we yô, u er ifer hemba mba ve vande hemen a we cii, je u gema u za er mbaaôndo mbagenev iyol you, man ieev mbi keren a ker, sha u u bamem yô, shi u gbihim ken ijime you kpaa;

1 Utor 8:66

Iyange i sha anigheni la a na ior gbenda, tsô ve ver tor doo doo; ve yem hen utenti vev saan saan a iember ken asema sha ci u aeren a dedoo a TER A er a wanakiriki Na Davidi kua ior Nav Iserael yô.

Nehemia 9:35

Gadia ve civir We ken tar ve ga, man sha iveren You i vesen i U ver ve a mi la kpaa ga, man ken tar u vesen u doon sule u U na ve la kpaa ga, man shi ve gema ishima, ve undu aeren a ve a bo kpaa ga.

Upasalmi 105:44

A gema ityar i akuraior, A na ve, ve ngohol akaa a ior lu yan ican sha mi yô,

Upasalmi 65:11

U wuha inyom i mdoom Ou iyol, igbenda You ngi nende ahôm.

Anzaakaa 30:9

sha er m̱ de idi m̱ nyiman We, m̱ kaan Mer; Ka an nan lu TERE? ga, man shi m̱ de lu oribanave je er me za ii, me gema me ter iti i Aôndo wam gbilin, ga.

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Yesaia 63:7

Me ter uerdoo mba TER, aeren a TER a a kom iwuese la, akaa a TER A er se cii yô, man mdoom ma vesen ma sha ya u Iserael ma A er ve sha mhôônom Nam ma zungwen man sha mngee u uerdoo Nav.

Yeremia 2:7

Man shi M va a ven ken tar u doon iyiagh, sha u ne̱ ya atam a u, man mdoom ma u; kpa er ne nyôr yô, ne hôngor Mo tar, ne gema dyako Wam hingir kwagh u ndôhôrshima.

Yeremia 31:14

Me na uma u upristi una mgbough a ahôm, man ior Av kpaa vea ide sha mdoom Am, kape TER A kaa ne.

Yeremia 32:23

nahan ve nyôr, ve ngohol u; kpa ve wa imo You iko ga, man shi ve zende sha atindi a Ou kpaa ga; akaa a U kaa ve Wer, ve̱ er la cii, ve er ma kwagh môm ga; ka nahan man U ne kwaghbo ne cii a va tser ve ye;

Esekiel 20:6

Sha iyange la je M bum a ve Mer: Me due a ve ken tar u Igipiti, Me va a ve ken tar u lu M tsuwa sha ci ve la, tar u dumbur a atumba man iyough, u hemba ityar igen cii mdoom.

Daniel 11:24

Una va abur abur hen ajiir a doon sule a ken tar la; una er akaa a uter nav je kpaa lu vande eren ga yô, shin uter mba uter nav je kpaa lu er ga yô; una kar ve ishar man akaa a i kor ken utya yô, man ikav; een, una hen mbamhen mba vihin sha ayouautya a taver, zan zan shighe á kar côhin.

Hosea 13:6

Zum u ve zua a kwaghyan yô, ve ya ve ide; er ve ide yô, asema a ve kende sha; ka sha ci u nahan Mo M hungul ve ye.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Duteronomi 3:5

Agar la cii i kase a sha ukpekpe mba taven, ve lu a ihinda man uishindan, shi angarev mba kiriki mba i kase ve ukpekpe ga kpaa, lu kpishi.

Duteronomi 32:13

A er un a unde sha ajiir a taven sha a tar, a ya iyiagh ki ken sule; A er un a suse iyough ken vande man mkurem kpaa ken vande u taver.

Duteronomi 32:14

Atumbabua a kôrough man atumba a ivo kua ahôm a aniyôngov man anomaiyôngo, anomabua a Bashan, man ivo, kua homon alakema, man awambe a atam a wain kpaa u ma, wain u peghan hugh.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.