Nehemia 9:23 - ICIGHAN BIBILO

²³ U seer ve ônov ngee er asan a Sha nahan, U nyôr a ve ken tar u U kaa a uter vev Wer, vea nyôr vea ya u la.

Nehemia 9:23 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 15:18

Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:

Genese 15:5

Maa A due a na ken won, A kaa er: Kende ashe sha yôô, ôr iyenge i asan, aluer wea fatyô u ôron yô; shi A kaa a na er: Kape tsombor wou ua lu je la.

Genese 17:8

Me na u kua tsombor wou u ken ijime you, tar u u lu shir ker ne, ka tar u Kanaan ne cii; ua hingir kwagh ve gbem; Mo kpaa Me lu Aôndo ve.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

1 Kroniku 27:23

Kpa Davidi ôr iyenge i mba ve kom anyom ikundu man mba ve yen la ga, gadia TER kaa er, Una ngee Iserael er asan a Sha nahan.

Ekesodu 1:12

Er a seer ve ican yô, ve di ve seer a seer iyenge kua u samber kpaa. Kwagh u Mbaiserael cier ve iyol.

Ekesodu 1:7

Kpa Mbaiserael mar ngee, ve lu seer a seer yemen hemen hemen, ve taver kpishi; ve iv ken tar la.

Duteronomi 28:62

Er ngise ne ngee iyenge er asan a Sha nahan, nahan kpaa, né mase shin ior ciôn tsô; sha ci u ne ver ato sha imo i TER, Aôndo wou, ga yô.