Nehemia 9:19 - ICIGHAN BIBILO

¹⁹ nahan kpaa sha mhôônom Ou ma zungwen kpishi yô, U undu ve ken desereti ga; ityôgh ki ibeenegh kpaa kar sha ityouv vev kera ga, sha u hemen ve gbenda atetan, man ityôgh ki usugh kpaa kar kera ga, sha u tesen ve iwanger man gbenda u vea zaan a mi tugh yô.

Nehemia 9:19 Iomraidhean Croise

Nehemia 9:12

Man shi U hemen ve sha ityôgh ki ibeenegh atetan man sha ityôgh ki usugh tugh, sha u nan ve iwanger sha gbenda u vea za yô.

Nehemia 9:27

Nahan U na ve sha ikev i mbaihomov vev Wer, ve̱ er ve ican; kpa zum u ican er ve man ve vaa a We yô, U ungwa ve Sha; sha mhôônom Ou ma zungwen kpishi la, U na ve mbayiman, ve yima ve sha ikev i mbaihomov vev.

Nehemia 9:31

Nahan kpaa sha mhôônom Ou ma zungwen yum la, U tim ve ci ca ga, man shi U undu ve kera ga; gadia U ngu Aôndo u mgboughon a mrumun u sha mhôôn man mhôônom ma zungwen.

Upasalmi 106:45

a umbur ikuryan Na sha ci ve kpaa, mhôônom kôr Un, sha ci u A ngee a erdoo yô.

Upasalmi 136:16

A hemen ior Nav gbenda u karen ken desereti, gadia erdoo Na ka u tsôron gbem sha won;

Ekesodu 40:36

Zum u ibeenegh kia moughon sha tabernakel kera yô, Mbaiserael ve mough ve gba yemen ken hemen, kape ve lu haan zan la.

Ekesodu 40:38

Gadia ibeenegh ki TER ki lu sha tabernakel la atetan, tugh yô, usu u lu ker, sha ashe a ya u Iserael cii, sha zende ve cii.

Yesaia 44:21

Umbur akaa ne, we Yakob, kua we Iserael kpaa, gadia u ngu wanakiriki Wam; ka Mo M maa u ye; u ngu wanakiriki Wam; Iserael, hungul Yam we ga.

Ukwelegh 3:22

Ka sha erdoo u TER man i tim se ga ye, sha ci u mhôônom Nam ma zungwen ma been mayange ga,

Esekiel 20:14

Kpa M er kwagh ne sha ci u icivir i iti Yam sha u i̱ de kera hôngor a i sha ashe a akuraior, a a lu nengen zum u M due a ve la, ga.

Esekiel 20:17

Nahan kpaa, ashe Am zungwe ve mhôônom, M tim ve kera ga, M tim ve ken desereti kpaa ga.

Esekiel 20:22

Nahan kpaa M hide a uwegh Agh ijime man M er kwagh sha ci u icivir i iti Yam, sha u i̱ de hôngor a i sha ashe a akuraior, a a lu nengen zum u M due a ve la, ga.

Daniel 9:18

Aôndo wam, kegh ato, ungwa, bugh ashe a Ou, nenge mbamyôhôl asev, man gar u i yer sha iti You la; gadia se mba van a uzamber asev sha ishigh You, ka sha uperapera mba sha ayol a ase ga, kpa ka sha ci u mhôônom Ou ma zungwen ma vesen la.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Malaki 3:6

Gadia Mo TER M gem kposo ga, ka nahan man ne ônov mba Yakob kpaa, i tim ne ga ye.

Numeri 14:14

tsô vea gba ôron mba ve tem ken tar ne; man ve kpaa ve vande ungwan, er We TER U lu ken atô u ior mban yô, man mba nengen a We TER ishigh a ishigh je, man ibeenegh You kpaa ki luun ve sha, shi We U hemen ve gbenda ken ityôgh ki ibeenegh atetan man ken ityôgh ki usugh tugh.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.