Nehemia 9:17 - ICIGHAN BIBILO

¹⁷ ve venda u ungwa kwagh, ve umbur akaa a kpilighyol a Ou a U er hen ve la ga, kpa ve nômbo ikôr; sha mhendan ve la je, ve ver orhemen ugen sha u vea hide vea za lu ikpan her. Kpa U ngu Aôndo u den asorabo, U mgbough a mrumun u sha mhôôn man mhôônom ma zungwen man ishima i wan kua erdoo wuee, U gbihi ve kera ga.

Nehemia 9:17 Iomraidhean Croise

1 Utor 6:13

man shi Me tema hen Mbaiserael, Me gbihi ior Av Iserael mayange ga.

1 Utor 8:57

TER, Aôndo wase, A̱ lu a vese, er lu a uter asev nahan, A̱ de undun se ga, man A̱ de te se kera kpaa ga;

2 Kroniku 36:13

Man a hendan a tor Nebukadinesar kpaa, u lu na un bum iti i Aôndo la; a nômbo ikôl, a cighir ishima, a kera hide hen TER, Aôndo u Iserael, ga.

Esera 9:9

Gadia se mba ikpan je, nahan kpaa Aôndo wase gbihi se ken ikangenev yasev kera ga, kpa A er, doo utor mba Pershia a vese sha u ve̱ na i̱ yôhôl se iyol er se̱ maa iyou i Aôndo wase man se̱ sôr atse a i la her, man sha u wan se igyar ken Yuda man ken Yerusalem.

Nehemia 9:31

Nahan kpaa sha mhôônom Ou ma zungwen yum la, U tim ve ci ca ga, man shi U undu ve kera ga; gadia U ngu Aôndo u mgboughon a mrumun u sha mhôôn man mhôônom ma zungwen.

Upasalmi 106:13

Ica kpaa lu a gba ga, tsô ityom Na hungul ve, ve kera kegh awashima Na la ga;

Upasalmi 106:7

Zum u uter asev lu ken Igipiti la, ve wa akaa Ou a kpilighyol la iko ga, ve umbur erdoo Wou u ngeen yum la ga, kpa ve hendan hen zegemnger, ka Zegemnger u Nyian je la.

Upasalmi 130:4

Kpa We U ngu a mde u asorabo, sha er á cia U yô.

Upasalmi 78:10

Ve wa iko sha ikuryan i Aôndo ga, ve lumun u zenden sha atindi a Na kpaa ga,

Upasalmi 78:11

ve hungul aeren a Na, man akaa a Na a kpilighyol a A tese ve a yô.

Upasalmi 78:38

Kpa Un yô, er mhôônom kôr Un yô, A de ve ifer ve, A tim ve ga; een, acin imôngo je A de ishima Na i vihin, A kera kpoghol iyugh Na cii ga.

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Ekesodu 32:9

TER shi kaa a Mose er: M nenge ior mban, man nenge, ka ior i taver ityough kpe kpe.

Anzaakaa 1:24

Er m yer man ne venda u ungwan yô, m dugh uwegh, kpa or môm wa iko her ga,

Yeremia 18:15

Nahan kpaa, ior Av yô, M hungul ve, ve nande akaagbilinigh nagh; ve nôngo gbev sha igbenda ve, igbenda i tsuaa la, er ve gem ve zenden sha anigbendav mba sha kpe, gbenda u i kaha u ga yô,

Yeremia 19:15

TER u akum a Sha, Aôndo u Iserael, ngu kaan nahan er: Nenge, Me va a kwaghbo sha gar ne kua angarev nav cii, u M ter sha a ve la cii; sha ci u ve nembe ikôr, ve kera ongo akaaôron Am ga yô.

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Daniel 9:9

Ka hen TER, Aôndo wase, mhôônom ma zungwen man mde u asorabo ve lu ye; gadia se hendan a Na;

Yoel 2:13

ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Levitiku 26:44

Nahan kpaa er vea lu ken tar u mbaihomov vev la kpaa, Me ta ve kera ga, vea ndôhôr Mo ishima je er Me tim ve kera ca ca Me bunde ikuryan Yam a ve ga; gadia ka Mo TER M lu Aôndo ve ye.

Nahum 1:3

TER we ishima, tahav Nav vese, kpa u tsahan yô, deen ga. Gbenda Na ngu ken ihiar man ken ijeverahumbe, abeen ka ihundu i shin angahar a Na.

Numeri 14:11

Tsô TER kaa a Mose er: Ka hanma shighe je man ior mban vea de u lahan Mo? Man ka hanma shighe je man vea nam jighjigh, er M er uivande hen a ve yum nahan nee?

Numeri 14:41

Kpa Mose kaa a ve er: Ka nyi ne per tindi u TER nahana, gadia kwagh ne una za á doo ga.

Numeri 16:14

Man u va a vese ken tar u atumbabua man iyough dumbur ker ga, u na se dyako u ishule man ikon i wain kpaa ga; sar u ka tsuwan ior mban ashe? Yô, sé va ga.

Aerenakaa A Mbaapostoli 7:39

Kpa lu uter asev ka wan imo na iko ga, zan zan ve mgbegha un kera; ken asema a ve yô, ve gema ve hide ken Igipiti je;

Mbaromanu 9:15

Gadia A kaa a Mose er, Me zungwe or u M zungu nan la mhôônom man shi mhôônom maa kôrom a or u ma kerem a nan la.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.