Nehemia 9:16 - ICIGHAN BIBILO

¹⁶ Kpa ve, uter asev, ve er kwagh sha imanger, ve nômbo ikôr, ve ver ato sha atindi a Ou ga,

Nehemia 9:16 Iomraidhean Croise

2 Utor 17:14

Nahan kpaa, ve venda u ungwan, ve nômbo ikôr, er uter vev mba ve na TER, Aôndo ve, jighjigh ga la nahan.

2 Kroniku 29:6

Gadia uter asev per atindi, ve er aferakaa sha ishigh ki TER, Aôndo wase, ve ta Un kera, ve gema ishiv vev hen ijiir i TER teman la kera, ve na ajime her.

2 Kroniku 30:8

Hegen yô, de kera nembe nen ikôr er uter enev lu er nahan ga, kpa na nen TER ayol a en, nyôr nen hen icighanjiir Na u A tsegh un gbem ne, civir nen TER, Aôndo wen, sha ci u iyugh Na i taveraa i̱ kar her a ven kera.

2 Kroniku 36:13

Man a hendan a tor Nebukadinesar kpaa, u lu na un bum iti i Aôndo la; a nômbo ikôl, a cighir ishima, a kera hide hen TER, Aôndo u Iserael, ga.

Nehemia 9:10

man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Upasalmi 106:6

Se er isholibo di er uter asev nahan, se er sha mi ga, se er aferakaa.

Upasalmi 81:8

Ungwa nen ase, ne ior Av, Mo Me pase ne, we Iserael, a lu u pe ma u ver ato her a Mo yô.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 32:9

TER shi kaa a Mose er: M nenge ior mban, man nenge, ka ior i taver ityough kpe kpe.

Anzaakaa 29:1

Or u i kôôm nan gbem kpa nan nembe ikôr her yô, á sombo nan fese, mwar á kera lu ga.

Yesaia 48:18

Ma u ver ato sha atindi Am, tsô bem wou ma a lu er ifi nahan, man shi perapera wou kpaa ma a lu er agôndo a zegemnger nahan,

Yesaia 48:4

Gadia M fa, u taver ityough, mon wou ka gbelaiyôgh, man icul you ka togula je;

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Yeremia 19:15

TER u akum a Sha, Aôndo u Iserael, ngu kaan nahan er: Nenge, Me va a kwaghbo sha gar ne kua angarev nav cii, u M ter sha a ve la cii; sha ci u ve nembe ikôr, ve kera ongo akaaôron Am ga yô.

Yeremia 2:31

We, ikov ne, ungwa nen kwaghôron u TER. M hingir Iserael taaikôngo je vee? Shin tar u angôghimee? Ka nyi man ior Av ve kaan er: Se mba zenden sha ishima yase se kera va her a We ga nahana?

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Esekiel 5:6

Kpa a hendan a akaaôron a jirigh a Am, a er ifer hemba akuraior, man a hendan a akaawan a Am kpaa, hemba ityar i i kase un la cii, gadia ve venda akaaôron a jirigh a Am, man akaawan a Am kpaa ve zende ken a ga.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

Duteronomi 31:27

Gadia mo m fa ihembeato you man ikôrnômbon you; nyian er m lu uma a ven imôngo ne kpaa ne mba hendan a TER man gema shighe u me kpe keraa?

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 5:29

Ma ve lu ase a imbashima i cian Mo waan atindi Am cii iko gbem la, sha er á kpe ve iyol a ônov vev cii gbem sha won yô.

Duteronomi 9:13

Man shi TER ôr kwagh a mo, kaa er: M nenge ikurior ne, nahan ka ikurior i nômbon ikôr.

Duteronomi 9:27

Umbur mbayev Ou, Aberaham man Isaka man Yakob, de we iko sha ityough ki taver ki ior mban ga, shin sha ifer ve, shin sha isholibo ve kpaa ga;

Duteronomi 9:6

Yô, fa ka sha ci u perapera wou man TER, Aôndo wou, A lu nan tar u dedoo la, er u̱ ngohol u ga; gadia we u ngu ikurior i nômbon ikôr je.

Mbaheberu 3:13

Kpa taver nen ayol a en asema use use er i lu teren “nyian” la her yô, sha er i̱ de cighir hanmô wen ishima sha icugh i isholibo ga yô.

Mbaheberu 3:15

Er i lu kaan er: Nyian je aluer nea ungwa imo Na yô, de kera cighir nen asema a en er sha shighe u nyoon ishima la nahan ga.