Nehemia 9:15 - ICIGHAN BIBILO

¹⁵ U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Nehemia 9:15 Iomraidhean Croise

Genese 14:22

Kpa Aberam kaa a tor u Sodom er: M kende uwegh agh sha, sha TER Aôndo Uhembansha u A gbe Sha man tar,

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Upasalmi 114:8

u A gem vande u hingir bermnger yô, iwen i taver kpaa i hingir imbormnger yô.

Ekesodu 16:4

Tsô TER kaa a Mose er: Nenge, Me er kwaghyan una due Sha una haa ne shin inya; ior ve̱ due hanma iyange, ve̱ kuran á kuman sha sev mbula, sha u Me kar ve, shin vea er sha atindi Am, shin vea er sha mi ga.

Ekesodu 17:3

Yô, imura lu kôron ior, nahan ior gba zan Mose ivever iyol pinen er: Ka nyi u dugh a vese ken tar u Igipiti wer u va wua se a ônov asev kua uzendenya asev sha imura?

Ekesodu 17:6

Nenge, Me tile sha ishigh you keregh, sha vande u hen Horebi; gbidye vande la, tsô mngerem maa due ker, sha u ior vea ma yô. Mose er nahan sha ishigh ki mbatamen mba Iserael;

Ekesodu 6:8

Man shi Me va a ven ken tar u M bum Mer, Me na Aberaham man Isaka man Yakob la; Me na ne u, ua lu dyako wen; ka Mo TER.

Yesaia 48:21

Imura kôr ve, zum u A hemen ve ken udeserti la, ga; A er mngerem due ken vande sha ci ve; A pav vande, tsô mngerem gba kuwan.

Yeremia 32:23

nahan ve nyôr, ve ngohol u; kpa ve wa imo You iko ga, man shi ve zende sha atindi a Ou kpaa ga; akaa a U kaa ve Wer, ve̱ er la cii, ve er ma kwagh môm ga; ka nahan man U ne kwaghbo ne cii a va tser ve ye;

Esekiel 20:15

Man shi M bum a ve ken desereti, Mer: Me kera va a ve ken tar u M na ve la ga, tar u u dumbur a atumbabua man iyough, u u hembe ityar igen cii mdoom la,

Numeri 14:30

ne yô, né nyôr ken tar u M bum Mer, Me na ne u, sha er né tema ker la je ga, saa Kalebu wan u Yefune man Yosua wan u Nun tseegh.

Duteronomi 1:21

Nenge, TER, Aôndo wou, gema tar la na u; kôndo, ngohol nen u, er TER, Aôndo u uter ou, A kaa u nahan; de cie ga, de yen ishima kpaa ga.

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 8:3

A hide a iyol you ijime, A de ijen kôr u, kpa A shi A koso u sha mana, kwagh u u fe un ga je yô, uter ou kpaa fa un ga, sha er Una tese u, u̱ fa er i lu sha kwaghyan tseegh man or a lu uma ga yô, kpa i lu sha hanma kwaghôron u a dugh ken zwa u TER man or a lu a uma sha mi yô.