Nehemia 9:14 - ICIGHAN BIBILO

¹⁴ U pase ve icighaniyange i memen You man U wa ve atindi man akaawan kua atindiakaa sha ikev i wanakiriki Wou Mose;

Nehemia 9:14 Iomraidhean Croise

Genese 2:3

Man Aôndo ver iyange i sha utaankaruhar la doo doo, A tsegha i kpaa; sha ci u lu sha i man Aôndo mem tom Na cii, u A er sha u gban a gba u la ye.

Nehemia 1:8

Yô, shi umbur kwaghôron u U ôr a Mose wanakiriki Wou la, U kaa Wer: Aluer ne er kwaghbo yô, Me sambe ne ken atôatyev;

Nehemia 10:32

Shi se zua zwa ayol a ase, sé na vegher môm u ken avegher atar a shekel hanma inyom sha ci u tom u iyou i Aôndo wase;

Ekesodu 16:23

A kaa a ve er: Ka kwagh u TER A kaa je la er: Kper ka iyange i memen, ka icighaniyange i memen i TER je; kaa nen kwagh u a sar ne u kaan yô, shi jiidi nen kwagh u a sar u jiidi kpaa; hanma kwagh u a shi yô, koso nen zan zan sev mbu av.

Ekesodu 16:29

Nenge, er TER A ne ne iyange i memen yô, nahan sha iyange i ataratar la, ka A na ne kwaghyan a kuma ayange ahar. Yô, hanma or nana lu hen ijiir i nan, or môm nana de kera duen hen ijiir i nan sha iyange i ataankarahar la ga.

Ekesodu 24:12

Tsô TER kaa a Mose er: Unde va her a Mo sha uwo, lu sha mi; yô, Me na u ikpande i awen man atindiakaa kua akaawan a M nger sha u tesen ve a yô.

Esekiel 20:11

M na ve akaawan a Am man M tese ve akaaôron a Am a jirigh, a or nana er sha mi man nana lu uma yô.

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Esekiel 20:20

tseghan nen ayange a memen a Am nahan aa hingir ikav her atô Wam a ven, sha er ne̱ fa er Mo M lu TER, Aôndo wen, yô.

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Levitiku 27:34

Ka atindiakaa a TER lu na Mose sha ci u Mbaiserael hen uwo u Senai je ne.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

Duteronomi 4:45

Ka mbampase man akaawan man atindi a Mose ôr Mbaiserael zum u ve due ken tar u Igipiti la,

Duteronomi 4:5

Nenge, m tese ne akaawan man atindi, er TER, Aôndo wam, A kaam yô, sha u né za eren sha a, ken tar u né lu zan sha u za ngohol u la.

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.