Nehemia 9:10 - ICIGHAN BIBILO

¹⁰ man U tese uivande man akaa a kpilighyol sha Farao man mbayev nav cii, kua ior mba hen tar na cii; gadia U fa, ve manger sha uter asev; nahan U due iti, er i lu nyian nahan.

Nehemia 9:10 Iomraidhean Croise

Nehemia 9:16

Kpa ve, uter asev, ve er kwagh sha imanger, ve nômbo ikôr, ve ver ato sha atindi a Ou ga,

Nehemia 9:29

shi U pase ve ibo ve, sha u hiden a ve hen atindi a Ou; nahan kpaa ve er kwagh sha ityough ki kehen, ve ver ato sha atindi a Ou ga, kpa ve er kwaghbo, ve laha ajiraôron a Ou, a or nana wa a iko yô, nana lu uma sha a la, ve yoghol akende, ve nômbo ikôr, ve venda u ungwa.

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Ekesodu 3:20

Mo kpaa Me naregh uwegh Agh, Me tsaha tar u Igipiti sha akaa Am a kpilighyol a Me er ken u yô; ken masetyô yô, una pase ne.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Ekesodu 7:1

Tsô TER kaa a Mose er: Nenge, M ver u, lu Farao er Aôndo nahan; anngôu Aron a̱ gema a̱ lu profeti wou.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Yesaia 42:20

U nenge a akaa kpishi, kpa u ver ishima ga, ato ou lu ivegher je, kpa u ungwa ga.

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Yesaia 63:14

Er ilev ka mbi ndôôr senen shin pev nahan, kape Jijingi u TER na ve u ve mem la; kape U hemen ior Ou, sha u nan iti You i̱ hingir i icivirigh la.

Yeremia 32:20

Wen u A er uivande man akaakpilighyol ken tar u Igipiti, ken Iserael kua ior mbagenev kpaa zan zan nyian, man U er iti You i za er i lu nyian nahan;

Esekiel 20:9

Kpa M er kwagh sha ci u icivir i iti Yam, sha u i̱ de kera hôngor a i sha ashe a a akuraior, henpe ve tem la, ga; ka sha ashe a M pase iyol Yam her a ve, er M due a ve ken tar u Igipiti la.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Daniel 9:15

Hegen yô, Tere, Aôndo wase, u U dugh a ior Ou ken tar u Igipiti sha uwegh ku ageegh, U na iti You i za gwa er i lu nyian nahan, se er isholibo, se er kwagh u ifer.

Aerenakaa A Mbaapostoli 7:36

Ka un je a due a ve ye, a er akaa a kpilighyol man uivande ken Igipiti kua hen zegemnger u Nyian man ken taaikôngo kpaa, kuma anyom akunduahar je.

Mbaromanu 9:17

Gadia icighanruamabera ngu kaan a Farao er, ka sha ci u kwagh ne je M ver u u lu uma ye, ka sha u Me tese agee a Am ken a we man shi i̱ yôô iti Yam sha won cii kpaa.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

Duteronomi 7:19

ikaren i vesen i ashe a ou nenge a min la, man uivande, kua akaakpilighyol, man uwegh ku ageegh, man uwegh ku naregh, ka akaa a TER, Aôndo wou, er man A due a we la; kape TER, Aôndo wou, Una er a akuraior a u cie a cii la.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.