Nehemia 8:2 - ICIGHAN BIBILO

² Tsô pristi Esera va a atindi sha ishigh ki mkohol u ior, nomso man kasev, kua ior mba ve fatyô u ungwan kaven cii, sha uwer u sha utaankaruhar sha iyange i hiihii la.

Nehemia 8:2 Iomraidhean Croise

Nehemia 10:29

ve var a anmgbianev vev kua mbatamen vev, ve zua zwa ve tseva zwa, shi ve bum er vea zende sha atindiakaa a Aôndo, a i na sha ikev i Mose wanakiriki u Aôndo la, shi vea wa atindi a TER, Ter wase, cii iko, vea er sha mi, kua akaaôron a Na a jirigh man akaawan a Na kpaa;

Nehemia 13:1

Tsô sha iyange la, ve ôr ken ruamabera u Mose sha ato a ior; i nger kimi er, or u Amon man or u Moabi nana̱ de nyer ken mkohol u ior mba Aôndo mayange je ga;

Nehemia 8:18

Man ayange ayange, hii sha iyange i hiihii je zan zan ar sha iyange i masetyô la, a lu ôron ken ruamabera u atindigh u Aôndo. Ve er iniongo la ayange ataankarahar; iyange i sha anigheni la yô, lu icighanmkohol sha tindi.

Nehemia 8:9

Tsô Nehemia u a lu gomna la, man pristi Esera orngeren, man Mbalevi mba ve tesen ior, ve kaa a ior cii er: Nyian ka icighaniyange i TER, Aôndo wen; yô, de kera zungu nen ga, de kera vaan nen kpaa ga. Gadia ior cii lu vaan er ve ungwa akaaôron a atindi la yô.

Nehemia 9:1

Tsô sha iyange i sha ikundu kar unyiin i uwer ne yô, Mbaiserael kohol, ve hôr kwaghyan a ajav a ikondo iyol man inya sha ityouv vev.

Yesaia 28:9

Ka anti je, i lu un ka tesen nan mfe? Man shi ka anti je i lu un ka pasen nan, nana kar loho u i ôr laa? Ka mba ve de atumba man i kôr ve hen atumba kera laa?

Levitiku 23:24

Ôr kwagh a Mbaiserael, kaa a ve wer, uwer u sha utaankaruhar, sha iyange i hiihii i u la, mem nen iyol, ka kwagh u umbur sha ikor i tôngon, ka icighanmkohol.

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Numeri 29:1

Uwer u sha utaankaruhar, sha iyange i hiihii i u la, er nen icighanmkohol, de eren nen ma tom u ican ga, i̱ lu ne iyange i tôngon ikor.

Aerenakaa A Mbaapostoli 15:21

Gadia hii tsuaa la je, Mose lu a mbaôron kwagh na ken hanma gar cii, gadia mba ôron Ruamabera na ken ushinagoge hanma iyange i memen.

Duteronomi 17:18

Tsô zum u nana teman sha ikônough nagh ki torough yô, nana̱ nger tindi ne ken ruamabera, vough er a lu sha ishigh ki Mbalevi mba ve lu upristi la nahan;

Yosua 8:35

Ma kwaghôron môm u Mose kaa cii, Yosua de u ôron sha ishigh ki mkohol u ior i Iserael ga, kua kasev man mbayev mba kiriki man mba ve nyer ve a nyôr ve lu zenden a ve imôngo la kpaa.