Nehemia 8:15 - ICIGHAN BIBILO

¹⁵ man ve̱ yôô, shi ve̱ tindi loho hen agar a ve cii kua ken Yerusalem kpaa er: Due, za nen sha iwo, za tôô nen agbaa a olev man agbaa a olev u ken toho man agbaa a mirtel man andar a avile kua agbaa a ikon i wan ahu kpishi sha u eren atumbe er i nger nahan.

Nehemia 8:15 Iomraidhean Croise

Genese 8:11

tsô atii la hide her a na aikighe a ihômon i olev sha zwa; nahan Noa fa er mngerem pande sha tar ve.

Levitiku 23:4

Mban ka uiniongo mba TER, ka uicighanmbamkohol mba né yôôn sha ashighe a i ver yô:

Levitiku 23:40

Sha iyange i hiihii la yô, tôô nen atam a ikon i doon ashe man andaravilegh kpaa, man agbaa a ikon i ngeen a ika man ikon i nelem agbaa i ken mnger; ember nen sha ishigh ki TER, Aôndo wen, ayange ataankarahar la cii.

Sekaria 1:8

M lu kenger tugh yô, nenge, or henda nyinya u nyian, tile ker atô u ikon i mertel i shin pev; man ken ijime na yô, anyinya lu, lu a nyian man a lun kang man a pupuu.

Mateu 21:1

Zum u ve va ngbôghom a Yerusalem er ve ar hen Betefage hen uwo u Olev yô, Yesu tindi mbahenen uhar,

YOHANE 12:13

nahan ve tôô andar a avilegh, ve due u za keghen Un gbenda, ve gba genger imo, kaan er: Hosana! I̱ wuese Un u A ve ken iti i Ter la, ka Tor u Iserael je la.

Duteronomi 16:16

Ken inyom i môm, nomsombaiorov ou cii ve̱ va sha ishigh ki TER, Aôndo wou, kwa tar, hen ijiir i Una tsuwa la; ka sha iniongo i bredi u i we kwa sha mi ga yô, man sha iniongo i ulahadi, man sha iniongo i atumbe; ve̱ de ve sha ishigh ki TER ave gbilin ga;

Mpase U Yohane 7:9

Ken masetyô u akaa ne yô, m ver ashe, yô, nenge, zegeikpelaior lu, ma or fatyô u ôron i iyenge ga, ve due ken hanma ikurior man hanma nongo man hanma nongoior man hanma zwa kpaa. Ve tile sha ishigh ki ikônough ki torough kila man sha ishigh ki Waniyôngo ve haa akondo a pupuu iyol shi ve lu a andar a avilegh sha ave.