Nehemia 8:12 - ICIGHAN BIBILO

¹² Tsô ior hembe yem cii, sha u vea za ya kwagh, vea ma kwagh, man sha u vea tindi a kwar hen mbagenev, shi vea ember kpishi, gadia ve kav akaaôron a i pase ve la.

Nehemia 8:12 Iomraidhean Croise

1 Kroniku 29:22

Ve ya kwagh ve ma kwagh sha ishigh ki TER, a iember kpishi sha iyange la; shi ve ver Solomon wan u Davidi tor, ka kwa har je la, ve shighe un mkurem a̱ lu ityoor sha ci u TER, Sadoki di lu pristi.

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Nehemia 8:11

Mbalevi yange ior cii er ve̱ huan, ve kaa er: Huan nen, gadia iyange ne ka icighaniyange je; asema a̱ de vihin ne ga.

Nehemia 8:13

Sha iyange i sha uhar la yô, mbavesen mba sha uya mba uter mba ior cii, man upristi kua Mbalevi ve kohol hen Esera orngeren, sha u vea ver ato sha akaaôron a atindigh yô.

Eseter 9:22

er ka ayange a Mbayuda zua a mmem sha mbaihomov vev la, man uwer u i gema ishimavihin ve, hingir iember la, man ijungwen hingir iyange i msaanyol; sha er ve̱ gema a, a̱ hingir ayange a iniongo kua a iember, man a tindin iwua hen ayol a ve, kua hen mbaatsanev kpaa.

Yobu 23:12

M hide ijime sha tindi u sha zwa Na kpaa ga; m wa akaaôron a Na iko, je hemba kwaghyan wam kpaa.

Upasalmi 119:111

M ngohol mbampase Ou mer ve̱ lu dyako wam gbem, gadia ka ve, ve lu iember i ishima yam ye.

Upasalmi 119:127

Kape i lu man atindi a Ou a doom, a hembem zenaria la, een, hemba zenaria u dedoo kpaa.

Upasalmi 119:130

Mbugh u akaaôron a Ou ne iwanger, man shi ne mba ve lan kwagh mkav kpaa.

Upasalmi 119:14

M ember sha gbenda u mbampase Ou tsung je, bee er ka sha inyaregh ki ngeen nahan.

Upasalmi 119:16

Doom ken ishima u wan akaawan a Ou iko, mkaanem Ou maa hungul mo mayange ga.

Upasalmi 119:171

Zwa wam ua wuese nduuluu, gadia U tesen mo akaawan a Ou.

Upasalmi 119:174

M ngu veren ashe sha myom Wou TERE, atindiakaa a Ou kpaa nga iember yam je.

Upasalmi 119:72

Atindiakaa a sha zwa Wou hembam agbenger a zenaria man a azurfa udubu je.

Upasalmi 119:97

Atindiakaa a Ou, doom ishima zee! Kam kwagh u shin henen sha mi didi.

Yeremia 15:16

Ka a zua a akaaôron a Ou yô, m ya a, akaaôron a Ou hingir mo iember man msaanyol ken ishima yam; gadia i yilam sha iti You je, TERE, Aôndo u akum a Sha.

Luka 24:32

Tsô ve kaa ayol a ve er: Asema lu yeghen se a yegh zum u A lu ôron kwagh a vese sha gbenda, pasen se icighanruamabera la gaa?

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.