Nehemia 8:10 - ICIGHAN BIBILO

¹⁰ Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Nehemia 8:10 Iomraidhean Croise

1 Utor 8:66

Iyange i sha anigheni la a na ior gbenda, tsô ve ver tor doo doo; ve yem hen utenti vev saan saan a iember ken asema sha ci u aeren a dedoo a TER A er a wanakiriki Na Davidi kua ior Nav Iserael yô.

1 Kroniku 16:27

Icivir man iengem mba Un sha ishi; agee man iember mba ken ijiir Na i teman.

Nehemia 8:11

Mbalevi yange ior cii er ve̱ huan, ve kaa er: Huan nen, gadia iyange ne ka icighaniyange je; asema a̱ de vihin ne ga.

Nehemia 8:12

Tsô ior hembe yem cii, sha u vea za ya kwagh, vea ma kwagh, man sha u vea tindi a kwar hen mbagenev, shi vea ember kpishi, gadia ve kav akaaôron a i pase ve la.

Eseter 9:19

Mbayuda mba ken angarev mba ve tema ken agar a lun a ugir ga la, ve gema ve ver uwer u Adar ayange a u pue kar anyiin la, hingir iyange i iember man i iniongo, man iyange i lun saan saan, man i tindin a iwua hen ayol a ve.

Eseter 9:22

er ka ayange a Mbayuda zua a mmem sha mbaihomov vev la, man uwer u i gema ishimavihin ve, hingir iember la, man ijungwen hingir iyange i msaanyol; sha er ve̱ gema a, a̱ hingir ayange a iniongo kua a iember, man a tindin iwua hen ayol a ve, kua hen mbaatsanev kpaa.

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 89:17

Gadia ka We U lu iengem i agee a ve ye; sha mdoo u i doo U a vese yô, á kende a korough asegh sha.

Anzaakaa 17:22

Ishima i saan saan ka icigh ki dedoo, kpa ishima i yinan yô, i om akuhe.

Orpasenkwagh 11:2

Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

Orpasenkwagh 2:24

Kwaghdoon ugen ngu ga, saa u or nana̱ ya kwagh nana̱ ma kwagh man á kpe uma u nan iyol ken tom u nan u sha ican la. Kwagh ne kpaa m nenge, ka sha ikev i Aôndo a dugh ye.

Orpasenkwagh 3:13

Man shi er hanma or nana̱ ya kwagh, nana̱ ma kwagh, i̱ doo nan iyol ken tom u nan ye ican sha mi la cii; kwagh ne ka iwua i Aôndo je.

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 9:7

Yô, ya kwaghyan wou a iember, ma wain wou a iember ken ishima, gadia Aôndo vande rumun ityom you kera ve.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

Yesaia 49:5

Hegen yô, Ter ngu kaan, TER u A erem je er M lu ngôm ken uya, sha u M̱ lu Wanakiriki Na, M̱ hide a Yakob her a Na, sha u Iserael a̱ kohol her a Na yô—i civir Mo sha ashe a TER, Aôndo Wam kpaa hingir agee Am—

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yoel 2:23

Yô, ember nen, ne ônov mba Shion, i̱ saan ne iyol ken TER, Aôndo wen, gadia ngu nan ne ortesen u una tese perapera, ngu nôôn ne ura, urahe man ura u masetyô kpaa, er ngise la nahan.

Sekaria 14:21

Een, hanma ityegh ki ken Yerusalem man ki ken Yuda kia hingir icighankwagh u TER u akum a Sha; mbanan iniav cii kpaa, vea va tôô ki, vea jiidi kwagh shimi; sha iyange la ma Orkanaan nana kera lu ken iyou i TER u akum a Sha ga.

Luka 11:41

Kpa na nen iwua sha akaa a lu kimi; nahan man akaa cii aa lu ne wang ye.

2 Mbakorinte 8:2

gadia sha mkar u i kar ve sha atsan kpishi la iember ve i tsung kua ibanave ve i tsung la i na ve hemba eren iwua gengee gengee.

Mbafilipi 3:4

shin er mo m lu a ityôikaa i suur sha iyol nahan kpaa. Aluer orgen nana nenge er nan fatyô u suur sha iyol yô, mo ma m hembe.

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.

1 Samuel 25:8

Pine mbayev ou, tsô vea kaa u; nahan yô, i̱ doo u a mbayev mban; gadia se va sha iyange i ember; yô, shi na mbayev ou kua wan wou Davidi hanma kwagh u u nenge i doo u yô.