Nehemia 8:1 - ICIGHAN BIBILO

¹ Tsô ior cii kohol ishima i môm hen tembe u sha ishigh ki Hundagar u Mnger la; ve kaa a Esera, orngeren la er, a̱ va a ruamabera u atindi a Mose a TER wa Iserael la.

Nehemia 8:1 Iomraidhean Croise

2 Utor 23:2

Nahan tor kôndo za sha iyou i TER a ior mba Yuda cii man ior mba ken Yerusalem man upristi man uprofeti kua ior cii, mba kiriki kua mba vesen cii; tsô a ôr akaaôron a ken ruamabera u ikuryan u i zua a mi ken iyou i TER la cii, sha ato a ve.

2 Kroniku 34:15

Tsô Hilkia kaa a Shafan orngeren la, er: M zua a ruamabera u atindigh ken iyou i TER. Nahan Hilkia gema ruamabera la na Shafan.

2 Kroniku 34:30

Nahan tor kôndo za sha iyou i TER a ior mba Yuda cii, man ior mba ken Yerusalem man upristi kua Mbalevi, man ior cii, mbavesen kua mbakiriki cii; tsô a ôr akaaôron a ken ruamabera u ikuryan u i zua a mi ken iyou i TER la cii, sha ato ve.

Esera 7:1

Ken ijime i akaa ne yô, sha ayange a tor Artashaseta, tor u Pershia la, Esera wan u Seraia, wan u Asaria, wan u Hilkia,

Esera 7:10

Gadia Esera ver ishima na u timen sha atindi a TER, man u eren sha a, man shi u tesen Iserael akaawan kua ajiraôron kpaa.

Esera 7:11

Ngun ka washika u i kura sha washika u tor Artashaseta na pristi Esera, orngeren, or u fan akaaôron a atindi a TER kua akaawan a Na, a A wa Iserael yô:

Esera 7:6

Esera ne mough hen Babilon, lu orngeren, a fa atindi a Mose, a TER, Aôndo u Iserael na, la; tor rumun mbampin nav cii, gadia uwegh ku TER, Aôndo na, lu a na.

Nehemia 12:26

Mban lu sha ayange a Yoyakim wan u Yeshua, wan u Yosadaki, man sha ayange a gomna Nehemia, man pristi Esera, orngeren la.

Nehemia 12:37

Hen Hundagar u Imbor ve kôndo sha ishigh vegh jighilii sha agbur a unden zan sha gar u Davidi, hen ijiir i unden sha gilgar hen ya u Davidi, zan zan ar hen Hundagar u Mnger vegher u sha ityoughkitaregh.

Nehemia 3:26

mbasôrontempel tema ken Ofel zan zan ar hen ishigh ki Hundagar u Mnger vegher u sha ityoughkitaregh, man hen gôgôyou u taven sha la.

Nehemia 8:16

Tsô ior due, za va a mi, ve va er atumbe a ve a mi, hanmô sha hav mbu iyou i nan man sha ityembe ve, man sha ityembe i iyou i Aôndo, tembe u hen Hundagar u Mnger kua sha tembe u hen Hundagar u Eferaim la.

Nehemia 8:3

A ôr kimi hen tembe u sha ishigh ki Hundagar u Mnger la, hii pepe je zan zan iyange sha tembe, sha ishigh ki nomso man kasev man mba ve fetyô u ungwan kaven yô; ior cii ver ato sha ruamabera u atindigh la.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Levitiku 9:5

Tsô ve va a kwagh u Mose kaa la sha ishigh ki tenti u kohol ker la; mkohol u ior cii kporom va tile sha ishigh ki TER.

Malaki 4:4

Umbur nen atindiakaa a wanakiriki wam Mose, a M wa Un sha uwo u Horebi sha ci u Mbaiserael cii, ka akaawan man ajiraôron je la.

Mateu 13:52

Tsô A kaa a ve er: Kape i lu man hanma orngeren u nan hingir orhenen ken tartor u Sha yô, nan ngu er orya nahan u ka nan dughun akaa a he man a tse ken iyou i nan i koson akaa a injaa la.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 23:2

A kaa er: Mbangeren man Mbafarishi mba tem sha ityough ki Mose.

Mateu 23:34

Sha ci u nahan yô, M ngu tindin ne a uprofeti man ior mba fan kwagh man mbangeren; né wua mbagenev, né mande mbagenev sha terankon, shi mbagenev yô, né gbidye ve akpa ken ushinagoge enev, né tôv ve a ican ityô sha agar agar;

Duteronomi 31:11

zum u Mbaiserael cii ve kohol sha ishigh ki TER, Aôndo wou, ken ijiir i Una tsuwa la yô, ôr tindi ne sha ishigh ki Iserael cii, sha ato ve.

Mbaajiriv 20:1

Tsô Mbaiserael cii mough, mkohol u ior cii zua er ka or môm yô, hii hen Dan je za ar hen Bersheba, man mba ken tar u Gileadi kpaa; ve va hen TER hen Misepa.

Mbaajiriv 20:8

Nahan ior cii mough er ka or môm yô, ve kaa er: Or môm môm nana hide ken tenti u nan ga, man or wase môm môm kpaa nana hide ken ya u nan ga.