Nehemia 7:2 - ICIGHAN BIBILO

² m ver anngôm Hanani, kua Hanania, orvesen u nengen sha iyou i utya, mer, ve̱ nengen sha Yerusalem; gadia a lu or u jighjigh, shi a cian Aôndo, a hemba ior mbagenev kpishi.

Nehemia 7:2 Iomraidhean Croise

Genese 42:18

Sha iyange i sha utar la, Yosev kaa a ve er: Ka kwagh u né er, ve né lu uma ne; gadia mo m cie Aôndo:

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

1 Utor 18:3

Tsô Ahaba yila Obadia or u nengen sha ya na. Obadia yô, lu or u cian TER tsung je;

Nehemia 1:2

anngôm ugen Hanania, za va, un a ior mbagenev mba ken Yuda; tsô, m pine ve kwagh u Mbayuda mba ve dugh ken kwar la, kua kwagh u Yerusalem kpaa.

Nehemia 10:23

Hoshea, Hanania, Hashubi,

Nehemia 13:13

Man m ver mba nengen sha akaa a a lu ken ayou a koson akaa ker la, lu pristi Shelemia man orngeren Sadoki; man ken Mbalevi yô, lu Pedaia. Or u wasen ve yô, lu Hanan wan u Sakur wan u Matania, gadia i nenge ve ve lu mba jighjigh; tom ve yô, lu u karen anmgbianev vev kwar.

Nehemia 2:8

man shi washika u za nan Asav orkuran ikô i tor la, sha u a̱ nam ikon sha ci u ihinda i iyouitya i i lu hen tempel la, man shi sha ci u gilgar, man sha ci u iyou i me za nyôr her yô. Tor rumun a mo, gadia uwegh ku Aôndo wam ku doon ku lu a mo.

Nehemia 5:15

Kpa ugomna mba ve vande teman a mo yô, ve yuhwan ior ikav, ve ngohol bredi man wain her a ve, man shi azurfa ushekel akunduahar; mbatomov vev kpaa lu eren tahav sha ior; kpa mo yô, m er nahan ga, sha ci u cian Aôndo.

Nehemia 7:3

M kaa a ve mer: I̱ de gbe bughun ihinda i Yerusalem ga, saa iyange i̱ vande kôndon ve; man er ve tile ve lu kuran la je, i̱ wuhe ihinda; man senda nen i sha itiran; ver mbagenev mba ve tem ken Yerusalem la, ve̱ lu mbakuran, hanmô sha ijiir i nan i kuran, man hanmô kpaa sha ishigh ki ya u nan.

Yobu 1:1

Ngise orgen lu ken tar u Ushi, iti i nan er Yobu; or la lu or u mimi, u perapera, u cian Aôndo, paregh kwaghbo.

Upasalmi 101:6

Ashe am aa lu sha mbamimi mba shin tar, sha u vea lu a mo imôngo yô; or u nan zenden sha gbenda u lun a acôghol a wan iyol ga yô, ka nan je nana erem tom ye.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Numeri 12:7

Wanakiriki Wam Mose ngu nahan ga; un ka or u jighjigh ken ya Wam cii;

Mateu 24:45

Yô, ka an nan lu wanakiriki u jighjigh man u fan kwagh u ter u nan una wa nan ya sha ikev sha u nana naan ve kwaghyan sha ashighe ashighe?

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

1 Mbakorinte 4:2

Kwagh ugen u i veren ishima sha mi hen mbakarenkwar yô, ka u ve̱ lu ior mba jighjigh.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:2

Akaa a u ungwa hen mo, mbashiada kpishi kpaa lu her la, gema wa sha ikev i ior mba ve lu jighjigh mba vea kuma u tesen mbagenev kpaa yô.