Nehemia 7:1 - ICIGHAN BIBILO

¹ Tsô zum u i maa gilgar, man m zer ucivir, man i ver mbakuranhunda man mbawanatsam kua Mbalevi kpaa yô,

Nehemia 7:1 Iomraidhean Croise

2 Utor 7:10

Tsô ve va yila mbakuranhundagar, ve ôr ve, ve kaa er: Se va hen afo a Mbashiria, yô, or ngu her ga, imo i or tsô kpaa ga, saa anyinya a i zer a kua ujaki kpaa, man utenti lu her nahan.

2 Kroniku 31:2

Tsô Hesekia ver iniongo i upristi man Mbalevi sha iniongo ve, upristi kua Mbalevi cii, hanmô ve sha tom u nan, sha ci u tom u iniav mbi nanden man iniav mbi bem, sha u eren tom, man u sughun, man u wuese ken ihinda i afo a TER.

Esera 3:8

Sha inyom i sha uhar i ve va hen iyou i Aôndo ken Yerusalem sha uwer u sha uhar la, Serubabel wan u Shealtiel vea Yeshua wan u Yosadaki kua anmgbianev vev mbagenev, upristi man Mbalevi, kua mba ve due ken kwar cii, mba ve va hen Yerusalem yô, ve hii u veren Mbalevi, hii sha or u nan kom anyom ikundu man u nan hembe nahan kpaa, er ve̱ nengen sha tom u iyou i TER.

Nehemia 10:39

Gadia Mbaiserael man Mbalevi vea va a iniav mbi alakema man wain man mkurem, hen ayou, henpe ikav mbi icighanjiir, man upristi mba ve eren tom la, man mbakuranhunda kua mbawanatsam ve lu yô; mayange sé kera gbihi iyou i Aôndo wase ga.

Nehemia 11:3

Mban ka mbahemenev mba hen ipaventar la, mba ve za tema ken Yerusalem la; kpa ken agar a Yuda yô, hanma or nan tema ken ya u nan ken agar a ve: Iserael man upristi man Mbalevi man mbasôrontempel kua ônov mba mbatomov mba Solomon.

Nehemia 12:24

Mbahemenev mba Mbalevi yô, lu: Hashabia, Sherebia man Yeshua wan u Kademiel; anmgbianev vev lu sha ishigh vegh, sha u wuese man u sughun sha ikaan i Davidi or u Aôndo sha iniongo iniongo.

Nehemia 6:1

Tsô zum u i za ôr Sambalati man Tobia man Geshem Orarabia kua mbaihomov asev mbagenev er m maa gil cii, ian kera shi ga yô, nahan kpaa hen shighe la, m lu a zer ucivir sha ihindagar ga.

Nehemia 6:15

Tsô i bee gilgar sha uwer u Elul ayange a u ikundu kar utaan, kohol ayange cii kuma akunduahargber kar ahar je.

Nehemia 6:19

Man shi ve ter aeren a na a dedoo sha ishigh yagh, man ve ôr un kwaghôron wam kpaa. Tobia kpaa tindi uwashika sha u tan mo mciem iyol.