Nehemia 6:9 - ICIGHAN BIBILO

⁹ Gadia ve cii, lu ve ka tan se mciem iyol, ve lu kaan er: Ave a̱ kpe ve sha tom la, je á kera er u ga. Yô, shi taver mo ave!

Nehemia 6:9 Iomraidhean Croise

2 Kroniku 15:7

Kpa ne yô, taver nen ayol, ave a̱ de kpeen ne ga, gadia á na ne injar sha tom wen.

2 Kroniku 32:18

Shi ve genger imo taver taver ken zwa u Mbayuda a ior mba Yerusalem mba ve lu sha gilgar la, sha u tan ve mciem iyol man nan ve anzughul, sha er vea ngohol gar la yô.

Esera 1:6

Mba ve wa ndor a ve, ve kase ve la cii, ve wase ve sha ikav mbi azurfa man sha zenaria man ikav man uzendenya man ikav mbi injaav kua akaa a i na a sha ishima i dedoo yô.

Nehemia 6:14

Aôndo wam, umbur Tobia man Sanbalati sha aeren a ve ne, man profeti u kwase Noadia kua uprofeti mbagenev, mba i lu ve ka tan mo mciem iyol la.

Upasalmi 138:3

Sha iyange i m yer U yô, U rumun, U taver mo, U nam agee ken ishima.

Upasalmi 56:3

Sha iyange i mciem maa tserem yô, me suur sha a We,

Upasalmi 68:35

Aôndo U cier iyol ken icighanjiir Wou; Aôndo u Iserael ne ior Nav agee kua tahav kpaa. I̱ wuese Aôndo. Ngun ka sha ci u orhemen u mbawanatsam; i ver un sha ikenge i: Ulôhô. Ka Pasalmi u Davidi

Upasalmi 71:1

TERE, ka sha a We m suur ye, de rumun m̱ va ahenge mayange ga.

Yesaia 40:29

Ka A na or u nan ver la agee, man A seer or u nan taver ga la agee.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yeremia 38:4

Tsô atiator kaa a tor er: Ma i shi woo or ne; gadia ngu nan ishima ngi yinan mbautyav mba ve shi ken gar ne kua ior cii, er a lu ôron ambaakaa ne a ve yô; gadia or ne ngu keren mkpeyol sha ci u ior ne ga, saa mvihi tsô.

Esekiel 30:24

Me taver ave a tor u Babilon, Me na sanker Wam sha uwegh nagh; kpa ave a Farao yô, Me kever a, nahan una toghor sha ishigh nagh er ka or u i gber nan ivav i kuugh yô.

Sekaria 10:12

Me taver ve ken TER; vea zenden ken iti Na, kape TER A kaa la.

2 Mbakorinte 12:9

Kpa A gema A kaa a mo er: Mrumun u sha mhôôn Wam kuma u, gadia agee Am ka a tema hoghom hoghom ken isheer. Nahan yô, me ta ihagh sha isheer saan saan sha u agee a Kristu a̱ tema ken mo yô.

Mbaefese 3:16

M ngu sônon mer, A̱ na ne sha iengem Na i ngeen yum la, i̱ taver ne ne̱ lu a agee sha Jijingi Na ken uma u ken semayolough,

Mbaefese 6:10

Kwagh ugen yô, taver nen ken Ter sha tahav mbu agee a Na.

Mbafilipi 4:13

M ngu a agee a eren akaa cii je ken Un u A taver mo ne.

Mbaheberu 12:12

Nahan yô, taver nen ave a a shir la kua anu a a kpe la kpaa.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

1 Samuel 30:6

Ishima lu nyian Davidi tsung, gadia ior lu ôron er vea ta un awen; gadia asema vihi ior cii, hanma or sha ci u ônov mba nan mba nomso kua mba kasev; kpa Davidi taver ishima na ken TER, Aôndo na.