Nehemia 5:5 - ICIGHAN BIBILO

⁵ Nahan ayol ase kua a anmgbianev asev ka kwagh môm, ônov asev kpaa mba er ônov vev nahan; man nenge ase, se mba nan mbayev asev mba nomso man mba kasev ken uikangen, ve hingir ikpan; ônov asev mba kasev mbagenev yô, vande hingir ikpan kera ve; man se fa kwagh u sé er ga, gadia ior mbagenev ngohol ishule yase kua ikon i wain kpaa.

Nehemia 5:5 Iomraidhean Croise

Genese 29:14

Laban kaa a na er: Mimi je, we, u ngu kuhe wam kua inyam yam kpaa. A tema a na kuma uwer môm.

Genese 37:27

Yô, sé tee nen un, Mbaishemael ve̱ yam, sé bende nen un ave ga, gadia anngô wase, ka iyol yase je. Anngôôv nav rumun imo na la.

2 Utor 4:1

Tsô kwase ugen ken kasev mba uprofeti va vaa a Elisha kaa er: Wanakiriki wou, nomom, kpe; man we kpaa u fa wanakiriki wou lu cian TER; yô, oryareninjô va er una va kuram ônov uhar, ve̱ za hingir ikpan na.

Anzaakaa 22:7

Mbanyarev ka ve tema tor sha mbaatsanev, man or u yan injô yô, ka kpan u or u nan injô, la.

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yesaia 58:7

Shi ka u karen mbagenev kwaghyan wou, man u van a mbaatsanev mba ve lu a ape suur ga hen ya wou gaa?

Mateu 18:25

Kpa er ngula lu a kwagh u kimbin ga yô, ter na kaa er, i̱ za tee un a kwase na man ônov nav man akaa a a lu a mi cii kpaa, i̱ kimbi injô.