Nehemia 5:2 - ICIGHAN BIBILO

² Mbagenev lu kaan er: Se a ônov asev mba nomso man mba kasev, se ngee; yô, i̱ na se alakema, se̱ ya se̱ lu uma.

Nehemia 5:2 Iomraidhean Croise

Genese 41:57

Tar cii gba van ken Igipiti hen Yosev sha u va yamen kwaghyan; gadia ijen kôr sha won cii.

Genese 42:2

A kaa er: Nenge m ungwa mer alakema ngu ken Igipiti; yô, sen nen shimi, za yam nen alakema shin her sha ci wase, sha er sé lu uma sé kpe ga yô.

Genese 43:8

Yuda kaa a ter na Iserael er: Na wanakiriki ne a̱ za a mo imôngo, sé mough, sé yem, sha er sé lu uma, sé kera kpe ga yô, se man we kua ônov asev imôngo cii.

Genese 47:19

ka nyi man sé va tim sha ashe ou se a ishule yasa? Yô, yam se kua ishule yase na se kwaghyan, se a ishule yase se̱ hingir ikpan i Farao; na se ivor sha er se̱ lu uma se̱ kpe ga yô, ishule kpaa i̱ de gbe saan toho nahan ga.

2 Utor 4:1

Tsô kwase ugen ken kasev mba uprofeti va vaa a Elisha kaa er: Wanakiriki wou, nomom, kpe; man we kpaa u fa wanakiriki wou lu cian TER; yô, oryareninjô va er una va kuram ônov uhar, ve̱ za hingir ikpan na.

Nehemia 5:3

Shi mbagenev lu kaan er: Se ver ishule yase ityungu kua ikon yase i wain man uya asev kpaa; yô, i̱ na se alakema sha ci u ijen.

Hagai 1:6

Ne lôô kpishi, kpa ne sunda kpeghee; ka ne ya kwagh kpa i kuma ne ga; ne haa akondo iyol, kpa i tsee ma or iyol ga; man or u nan eren tom sha tôndo kpaa, nan hee injar i nan ngohol la ken ikpa i peven.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Duteronomi 23:19

De pwaren anngôu kwagh, wan mtser sha mi ga, shin mtser u sha inyar, shin mtser u sha kwaghyan, shin mtser u sha hanma kwagh u ka i pwar or i ya mtser sha mi yô.