Nehemia 5:13 - ICIGHAN BIBILO

¹³ Shi m nduur riga wam, m kaa mer: Kape hanma or u nan er sha ityendezwa ne ga yô, Aôndo Una nduur nan ken ya u nan kua tom u nan kera ne; kape á nduur nan nana hingir aveve la. Tsô, ior cii kaa er: Amen! Shi ve wuese TER. Nahan ior er sha ityendezwa ne.

Nehemia 5:13 Iomraidhean Croise

2 Utor 23:3

Tor tile hen ityô, a tôndo zwa sha ishigh ki TER, er una dondo TER man una waan atindi a Na iko man mbampase Nav kua akaawan a Na, a ishima na cii kua a uma na cii, una er sha akaaôron a ikuryan a i nger ken ruamabera la vough; ior ci ca cii rumun ikuryan la.

1 Kroniku 16:36

I̱ wuese TER, Aôndo u Iserael, hii sha uicôrombaashighev zan zan gbem sha won cii! Nahan ior cii rumun er Amen! Man ve wuese TER.

Nehemia 8:6

Tsô Esera sugh TER, Aôndo u hemban. Ior cii rumun er: Amen, Amen! Ve naregh ave ve sha; ve gure ve civir TER, ve kuma ishiv inya.

Upasalmi 119:106

M bum, shi me kure un kpaa, me kuran akaaôron a jirigh a Ou a perapera.

Upasalmi 50:14

Na Aôndo nagh ku ishughun, kure uiceghzwa ou mba u tsegh a Uhembansha la;

Upasalmi 76:11

Tsegha nen zwa, yô, kure nen u a TER, Aôndo wen; mba ve kase Un cii, ve̱ va a iwua hen u A kom u á cia Un la;

Anzaakaa 28:4

Mba ve undu tindi yô, ka ve civir mbaaferev, kpa mba ve we tindi iko yô, ka ve ta num sha a ve.

Orpasenkwagh 5:5

Guda ma u tsegha zwa ga, a u u tsegha zwa man u er sha mi ga la.

Numeri 5:22

Mngerem ma van a ifan man maa nyôr u shin uya maa mor u iyav, maa uma u akooso; nahan kwase la a̱ rumun er: Amen, Amen.

Mateu 10:14

Man aluer ma or nana rumun ne ga, man shi nana ungwa akaaôron a en kpaa ga yô, shighe u nea duen hen ya la shin hen gar la yô, kure nen ihundu i shin angahar a en.

Aerenakaa A Mbaapostoli 13:51

Tsô ve kure ihundu i angahar a ve, ve va ken Ikonium.

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

1 Mbakorinte 14:16

A lu nahan ga yô, wea sughun sha jijingi yô, á er nan man u nan lu sha ian i fan kwagh la ga la, nana rumun er, “Amen” sha ishughun you laa? Gadia nan fa kwagh u u lu ôron la ga.

1 Samuel 15:28

Nahan Samuel kaa a na er: Nyian TER ande u tartor u Iserael gema na or u nan we ndor a we nan hembe u inja yô.