Nehemia 5:11 - ICIGHAN BIBILO

¹¹ Yô, shi hide nen ve a ishule ve nyian, ishule ve i ikon i wain, man ishule ve i ikon i olev kua uya vev man shi ci môm ken mbaaci deri u inyaregh vegh man i iyiav man u wain kua u mkure, mba lu ne ngohol her a ve la.

Nehemia 5:11 Iomraidhean Croise

2 Samuel 12:6

man shi nana kimbi tuleiyôngo la, nana na iyôngo inyiin, sha ci u nan er kwagh ne, mhôônom kpaa ma ker nan ga yô.

Nehemia 5:10

Mo kpaa a anmgbianev av man mbatomov av, se lu nan ve injô i inyar man i uyia; yô, sé shi de nen injô ne.

Nehemia 5:12

Tsô ve kaa er: Sé hide ve a mi, sé kera ker ma kwagh hen ve ga; sé er er u kaa nahan vough. Nahan m yila upristi, m kaa a ve mer, ve̱ bum er vea er sha ityendezwa ne.

Yesaia 58:6

Kwaghyan u hôron u M tsough yô, kera ka u né sagh ikangenev mbi iferkwagh kera, man né poso igbur, né na mba i kighir ve la ian u yemen, man shi né kever hanma igbur gaa?

Luka 3:8

Nahan yô, ume nen ase atam a a kom mgemshima yô. De kera gbe kaan ayol a en ner: Se mba a ter wase Aberaham ga, gadia m ngu kaan ne mer, awen ne je kpaa Aôndo Una fatyô u geman a hingir ônov mba Aberaham.

Duteronomi 6:11

man uya mba akaa a iv ker, atô kposo kposo, mba i lu we u iv ve ga yô, azôr a ombon mngerem shimi a i tim sha vande, a i lu we u tim ga yô, ishule i ikon i wain kua ikon i olev i i lu we u môôr ga yô; shighe u ú ya ú ide,

1 Samuel 12:3

M ngun heen ne; pase nen ase kwagh wam nyian sha ishigh ki TER kua or Na u i shigh un mkurem la; ka an, m ngohol nan bua sha aperaa? Shi ka an je m ngohol nan jaki sha apera? Shi ka an je m kighir nan a icana? Shin ka an je m ngohol nan kwagh sha icughuu? Man ka sha ikev i an, m ngohol iwua i yamen ishô sha u me kusu ashe a am a mini? Á lu nahan yô, me hide ne a mi.