Nehemia 4:7 - ICIGHAN BIBILO

⁷ Kpa zum u Sanbalati man Tobia man Mbaarabia man Mbaamon kua Mbaashedodi ve ungwa er mser u gilgar u Yerusalem la lu zan hemen, man i hii u kondon a-an a i pev un la yô, asema vihi ve tsung;

Nehemia 4:7 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

2 Utor 24:2

Tsô TER tindi akumautya a Mbakaldi man akum a Mbashiria man akum a Mbamoabi man akum a Mbaamon hen a na. A tindi a er a̱ za nôngo ityav a Yuda a̱ tim un sha imo i TER i mbayev Nav uprofeti ôr i sha zwa Na yô.

2 Kroniku 20:1

Tsô ken masejime u kwagh ne yô, Mbamoabi man Mbaamon kua Mbameuni mbagenev a ve imôngo, ve va u va nôngon ityav a Yehoshafati.

Esera 5:8

Doo u tor a̱ fa, se za ken tar u Yuda, hen iyou i Aôndo u vesen, mba maan i sha uzegembaawenev, man mba wan ikpande ken ukpekpe, tom la ngu zan hemen sha gbashima, man ngu zan dedoo sha ave ve.

Nehemia 2:10

Zum u Sanbalati Orhoron man Tobia ortom, Oramon la, ve ungwa ahula er orgen nan ve u va keren mkpeyol sha ci u Mbaiserael yô, gema vihi ve kpishi.

Nehemia 2:19

Kpa zum u Sanbalati Orhoron man Tobia ortom, Oramon la, kua Geshem Orarabia, ve ungwa ahura yô, ve se se ibumegh, ve laha se, ve kaa er: Ka nyi kwagh ne eren nee? Ka ne pe hendan a tor zee?

Nehemia 4:1

Kpa zum u Sanbalati ungwa er se lu maan gilgar yô, ishima vihi un, ishima nyoon un tsung, nahan a gba nahan Mbayuda tar;

Nehemia 4:6

Nahan se maa gil la; gilgar cii zua zan zan za ar her atô u ityaven na; gadia ior kange ishima sha tom.

Nehemia 4:8

nahan ve cii ve zua zwa ishima i môm er vea va nôngo ityav a Yerusalem, vea na anzughul.

Nehemia 6:16

Zum u mbaihomov asev cii ungwa nahan yô, atôatyev a a kase se cii, cier a iyol, iyol kpe ve, ve ure, gadia ve kav er tom ne, i lu sha agee a Aôndo wase i er u ye.

Yeremia 25:20

kua ior anza kposo kposo cii, man utor mba ken tar u Ushi, man utor mba ken tar u Mbafiliti cii man Ashekelon man Gasa man Ekeron man asande a Ashedodi a a shi her,

Yeremia 41:10

Nahan Ishemael kura asande a ior a a shi hen Misepa la cii, yem a ve uikangen: ka ônkasev mba tor kua ior mba ve shi ken Misepa cii, mba Nebusaradan orhemen u mbakurantor wa Gedalia wan u Ahikam sha ikev la; Ishemael wan u Netania gema kura ve, yem a ve uikangen, nahan a mough a gba yemen hen Mbaamon.

Amoshi 1:13

TER ngu kaan nahan er: Sha ci u atindi a peren atar a Mbaamon, een, sha ci u anyiin je yô, Me kera hide a mtsaha ve ijime ga, gadia ve pav kasev mba Gileadi mba ve lu iyav la iyav sha u vea seer tar ve u̱ kehe;

Amoshi 1:8

Me tim mba ve tem ken Ashedodi kua wen u a lu a tôgh ku torough ken Ashekelon kpaa; Me naregh uwegh Agh sha Ekeron, man asande a Mbafiliti a a shi her la aa tim kera, kape Ter AÔNDO A kaa la.

Amoshi 3:9

Yôô nen sha ayouator a Ashedodi, man sha ayouator a ken tar u Igipiti, ner: Kohol nen sha iwo i Samaria, yô, nenge, uzegembaayôôsov mba ve lu ker, man mbamkighir mba ker atô na la.

Aerenakaa A Mbaapostoli 5:33

Mbala mba ongo nahan yô, asema gba ve awambe je, lu ve ka wuan ve.

Mpase U Yohane 12:17

Nahan ishima vihi darakon a kwase la, a yem sha u za nôngon ityav a tsombor na u u shi her u kor atindi a Aôndo shi u lu eren shiada sha kwagh u Yesu kpaa yô.

1 Samuel 11:2

Kpa Nahashi Oramon kaa a ve er: Me ya ikur a ven aluer nea rumun ner, m̱ ongor ne ashe a ken iyan cii yô; me er kwagh ne Mbaiserael cii ve̱ hee.