Nehemia 4:14 - ICIGHAN BIBILO

¹⁴ M nenge, nahan m mough, m kaa a mbatamen man mbatarev man ior mbagenev, mer: De cie nen ve ga; umbur nen TER u A hembe A cier iyol la, nôngo nen ityav sha ci u anmgbianev enev man ônov enev mba nomso man mba kasev man kasev enev kua uya enev.

Nehemia 4:14 Iomraidhean Croise

2 Samuel 10:12

Yô, taver nen ishima sé lu nen nomso, sha ci u ior asev man sha ci u agar a Aôndo wase; TER A̱ er kwagh u A doo Un yô.

2 Kroniku 32:7

Taver nen, lu nen icihi, de cie nen ga, asema a̱ de nyian ne a tor u Ashiria ga, shin sha ci u zegeikumutya u a lu a na imôngo la kpaa ga; gadia u a lu a vese a hemba u a lu a na yô,

Nehemia 1:5

m kaa mer: TERE, Aôndo u Sha, Aôndo u hemban, u cier iyol, u wan ikuryan iko man erdoo a mba A doo ve ishima man ve we atindi Na iko yô.

Yobu 37:22

Ken imbusutarimese yô, iengem i lun er zenaria nahan due; kpa Aôndo yô, tema sha icivir Na i hemban la, ta ihindi je cier iyol.

Upasalmi 143:5

M umbur ayange a ngise la, m hen kwagh sha aeren a Ou cii, m hen kwagh ken ishima sha tom u ave Ou je.

Upasalmi 20:7

Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 65:5

Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Upasalmi 66:5

Va, va nenge ityom i Aôndo u aeren a Na a ônov mba iorov a cier iyol yum ne:

Ekesodu 14:14

TER Una nôngo ityav sha ci wen, lu nen ving tsô.

Ekesodu 14:25

A er inya kange sha akaver a akeke ve, ve gba yemen hemen sha ican je; tsô Mbaigipiti kaa er: Sé yevese nen Mbaiserael, gadia TER ta ikaa ken ve, ngu ihom a Mbaigipiti.

Orpasenkwagh 12:1

Umbur u A gbe u la sha ayange a iyev ou, er ayange a bo a lu a va ga, anyom kpaa a lu a kuma ga, a ú va kaa wer: Kera gbam ishima ga la;

Daniel 11:32

Mba ve eren ifer sha u hendan a ikuryan yô, una vihi ve sha zwanyohon; kpa ior mba ve fe Aôndo ve yô, vea lu dông, vea er kwagh.

Sekaria 14:3

Zum la TER Una due, Una nôngo ityav a akuraior la, er ka A nôngo sha iyange i utya nahan.

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Duteronomi 1:21

Nenge, TER, Aôndo wou, gema tar la na u; kôndo, ngohol nen u, er TER, Aôndo u uter ou, A kaa u nahan; de cie ga, de yen ishima kpaa ga.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

Mbaheberu 13:6

Nahan yô, se fatyô u kaan vangertiôr ser: Ter ka Orwasen mo, me kera cia ga, ka nyi je or á ereme?

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Mbaajiriv 3:27

Tsô za nyer yô, a tôngo korough sha tar u iwoogh u Eferaim, Mbaiserael mough a na imôngo sha tar u iwoogh ve sen, lu wen hemen ve ye.