Nehemia 2:3 - ICIGHAN BIBILO

³ M kaa a tor mer: Tor a̱ tsa sha won gbem; á er nan man ishigh yagh kia vihi sha ga, er gar u iwar i uter av i lu ker la, a gem a hingir ice, ihinda na kpaa i hie kera nahana?

Nehemia 2:3 Iomraidhean Croise

1 Utor 1:31

Nahan Batesheba ngurum wa ityough inya, a sugh tor, a kaa er: Terem tor Davidi a̱ tsa sha won gbem.

2 Utor 25:8

Tsô sha uwer u sha utaan ayange a u ataankarahar la, sha inyom i sha pue kar utaankarunyiin i tor Nebukadinesar tor u Babilon la, Nebusaradan orhemen u mbakurantor, wanakiriki u tor u Babilon, va ken Yerusalem.

2 Kroniku 21:20

A lu anyom ikundugber kar uhar zum u a ya tor la, a tema tor ken Yerusalem anyom anigheni; er a kar kera nahan, i sar ve a na ga; ve ii un ken gar u Davidi, kpa lu ken iwar i utor ga.

2 Kroniku 28:27

Tsô Ahashi yav a uter nav imôngo, ve ii un ken gar, ka ken Yerusalem je la, gadia ve va a na ken iwar i utor mba Iserael ga; wan na Hesekia gema tema tor sha ityough nagh.

2 Kroniku 32:33

Tsô Hesekia yav a uter nav imôngo, i ii un sha ijiir i taven sha hen iwar i ônov mba Davidi la; Yuda cii kua mba ve tem ken Yerusalem, ve civir ku na. Wan na Manase gema tema tor sha ityough nagh.

2 Kroniku 36:19

Tsô ve nande iyou i Aôndo sha usu, ve yôhôl gilgar u Yerusalem, ve nande ayou a tor a ker cii sha usu, ikav mbi doon cii, ve vihi mbi kera.

Nehemia 1:3

Ve kaam er: Asande a a shi her a a dugh ken kwar a a lu ken ipaventar la nga ken zegecan kua ilyahan kpishi kpaa; gilgar u Yerusalem yôhôl, ucivir nav kpaa usu hia ve.

Nehemia 2:13

Tsô m due tugh, m kar hen Hundagar u Pev, m za hen Ijôr i Iyô man hen Hundagar u Ihôgh la, m gba kenger ukpekpe mba Yerusalem mba ve tsehe la, man ihinda na i usu u hie i la kpaa.

Eseter 8:6

gadia me er nan man me fatyô u nengen ican i ia va tser ior ava? Shin me er nan man me fatyô u nengen mtim u tsombor wama?

Upasalmi 102:14

Gadia doo mbayev Ou a awen a na, man mhôônom kôr ve a alôgh a ayou a na la.

Upasalmi 102:15

Nahan akuraior aa cia iti i TER, utor mba sha won cii kpaa, vea cia iengem You.

Upasalmi 137:6

Nombor wam kpaa u̱ varem sha ikughô, aluer mea umbur we ga yô, man aluer Yerusalem una hemba doon mo a kwagh u a hembe doon mo la ga yô.

Upasalmi 38:7

Gadia iwenge nyoon mo, ma ijiir i dedoo kera ngi sha iyol yam ga.

Yeremia 52:12

Tsô sha uwer u sha utaan, ayange a u pue la, ka inyom i sha pue kar utaankarunyiin i tor Nebukadinesar, tor u Babilon je la. Nebusaradan, orhemen u mbakurantor, u a til sha ishigh ki tor u Babilon la, za va ken Yerusalem;

Ukwelegh 2:9

Ihinda na sen mire shin inya; A vihi uishindan nav, A kever ve kera. Tor na man atiator a na mba ken akuraior ape i tesen atindi ga la; uprofeti nav kpaa zua a mpase u sha mnenge hen TER ga.

Daniel 2:4

Tsô Mbakaldi ôr kwagh a tor, ve kaa er: (ken zwa u Aram) Tor a̱ lu uma gbem sha won! Ôr mbayev ou mnyam mara, nahan se kpaa sé pase u inja i ma.

Daniel 3:9

Ve ôr kwagh a tor Nebukadinesar, ve kaa er: Tor a̱ lu uma gbem.

Daniel 5:10

Torkwase va nyôr ken iyou i iniongo sha ci u kwaghôron u tor man mbatarev nav la; nahan torkwase ôr kwagh kaa er: Tor a̱ lu uma gbem sha won; mbamhen ou ve̱ de te u mciem iyol ga, mluashe u ishigh you kpaa a̱ de gem kposo ga.

Daniel 6:21

Tsô Daniel gema kaa a tor er: Tor a̱ lu uma gbem.

Daniel 6:6

Nahan mbahemenev man mbatarev mban zua hen tor, ve kaa a tor er: Tor Dariu a̱ lu uma gbem sha won!

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.